ކާނާގެ ރައްކާތެރިކަން ކަށަވަރުކޮޮށް އިތުބާރު ދެމެެހެއްޓުމަށް މަސައްކަތް ކުރައްވަމުންދާ ކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
ރައީސް މިފަދައިން ވިދާޅުވެފައިވަނީ ދުނިޔޭގެ ކާބޯތަކެތީީގެ ރައްކާތެރިކަމުގެ ދުވަހާއި ގުޅިގެން އެކްސް ގައި ހިއްސާ ކުރެއްވި ޕޯސްޓެއްގައެެވެ.
ރައީސް ވިދާޅުވީ ކާބޯތަކެތީގެ ރައްކާތެރިކަމަކީ ކޮންމެމީހަކުވެސް ކޮންމެ ދުވަހަކުވެސް ވިސްނަންޖެހޭ ކަމެއްކަމަށެވެ. އެއީ އާންމު ސިއްހަތާއި އިޤްތިޟާދީ ދެމިހުރުމުގެ އަސާސްކަން އެމަނިކުފާނު ފާހަގަކުރެއްވިއެވެ.
ކާބޯތަކެތީގެ ރައްކާތެރިކަމުގެ ދުވަހުގެ މިއަހަރުގެ ޝިއާރަކީ "ކާބޯތަކެތީގެ ރައްކާތެރިކަން: ޢަމަލީ މައިދާނުގައި ސައިންސް" ކަން ފާހަގަ ކުރައްވާ ރައީސް ވިދާޅުވީ ކާބޯތަކެތިން ޖެހޭ ބަލިތައް ދެނެގަތުމާއި ހުއްޓުވުމުގައި ސައިންޓިފިކް ދިރާސާތަކާއި ހެކިތަކުގެ މައްޗަށް ބިނާކޮށްފައިވާ އުސޫލުތަކުގެ މުހިންމުކަމުގެ މައްޗަށް މި ޝިއާރުން އަލިއަޅުވާލާނެކަމަށެވެ.
އަދި ރައްޔިތުން ކާން ބޭނުންކުރާ ތަކެއްްޗަކީ ރައްކާތެރި, ފައިދާހުރި, އަދި އިތުބާރުކުރެވޭ ތަކެތި ހެދުމަށް މަސައްކަތް ކުރަމުންދާކަމަށްވެސް ރައީސް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
