ރާއްޖޭގެ ބައެއް ރަށްރަށުގެ އިޖުތިމާއީ ރިވެތި އަހްލާގީ ފެންވަރު ވަރަށް ދަށްވެފައިވާކަމަށް ކުރީގެ އުއްތަމަ ފަނޑިޔާރު އަހުމަދު ފާއިޒް ވިދާޅުވެއްޖެއެވެ.

އީދު ކުޅިވަރުނަމުގައި ބައެއް ރަށްރަށުގައި ކުރިއަށްދިޔަ ހަރަކާތްތަކާ ގުޅޭގޮތުން ސޯޝަލް މީޑިއާގައި ކުރެއްވި ޕޯސްޓެއްގައި ފައިޒް ވިދާޅުވީ، ކުޅިވަރުގެ ނަމުގައި ބައެއް ރަށްރަށުން ފެންނަ ކަންތައްތަކުން އެނގެނީ އެ ރަށްރަށުގެ އިޖުތިމާއީ ރިވެތި އަހުލާގީ ފެންވަރު ދަށްވެފައިވާކަމެވެ. ފައިޒް ވިދާޅުވީ ބައެއް ރަށްރަށުގައި ކުރިއަށްގެންދާ އީދު ކުޅިވަރުތަކައި އީދު އުފަލާ އެއްވެސް ގުޅުމެއް ނެތްކަމަށެވެ. އަދި ޤައުމިއްޔަތާއި ސަގާފަތާވެސް ގުޅުމެއްނެތްކަމަށެވެ. 

މިކަމާ ގުޅޭގޮތުން ފާއިޒް ކުރެއްވި ޕޯސްޓްގައި އިތުރަށް ވިދާޅުވެފައިވަނީ އެފަދަ ކަންކަމުގެ ސަބަބުން ކުދަކުދިންގެ އަހްލާގަށް އަންނާނޭ ބަދަލުތަކާމެދު އެރަށްރަށުގެ މަސްއޫލުވެރި ފަރާތްތަކުން ވިސްނަންޖެހޭނޭ ކަމަށެވެ.

ބޮޑު އީދުގެ އުފާ ފާޅުކުރުމުެގ ގޮތުން ރާއްޖޭގެ ވަރަށްގިނަ ރަށްރަށުގައި ވަނީ މާލި ޕެރޭޑްތައް ކުރިއަށްގެންގޮސްފައެވެ. މިގޮތުން ކުރިއަށްގެންދިޔަ ބައެއް ޕެރެޑްތަކުގައި ވަނީ ﷲ ލައުނަތް ލައްވާފައިވާ ހާމާން އަދި ޝައިތާނީ ސިފަތައް ދައްކުވައިދޭ މީހުން ފެނިެގންގޮސްފައެވެ. މުސްލިމުންގެ އަގީދާއަށް ފުށުއަރާ އެ ބާވަތުގެ ހަރަކާތްތައް ހުރުމުން ގިނަ ބަޔަކުވަނީ އެކަމުގެ ކަންބޮޑުވުން ފާޅުކޮށްފައެވެ.