މިދިޔަ ހަފްތާގައި ސްކޭމް މައްސަލަތަކުގެ ސަބަބުން 270,270 ރުފިޔާއަށްވުރެ ގިނަ ފައިސާ ގެއްލިފައިވާ ކަމަށް ތަފާސް ހިސާބުތަކުން ދައްކައިފިއެވެ.
އެންޓި ސްކޭމް ސެންޓަރުން އާންމުކޮށްފައިވާ ފަހުގެ ތަފާސްހިސާބުތަކުން ދައްކާގޮތުގައި، ޖޫން 3 އިން 9 އަށް ސްކޭމްއާ ގުޅޭ 35 އައު މައްސަލައެއް ވަނީ ރިޕޯޓް ކޮށްފައެވެ.
އަދި މި މުއްދަތުގައި އެންމެ ގިނައިން ހިނގާފައިވަނީ ފައިސާ ޓްރާންސްފަރކުރުމާއި އީ-ކޮމާސް ސްކޭމްތަކެވެ. އަދި މި ފަދަ ސްކޭމްތައް އެންމެ ގިނައިން ހިންގާފައިވަނީ ވައިބަރ އަދި ފޭސްބުކް މާކެޓްޕްލޭސް މެދުވެރިކޮށެވެ.
އެގޮތުން ސްކޭމް ތަކުން، 270،270 ފައިސާ ފޭރިގެންފައިވާއިރު، ގެއްލުނު ފައިސާގެ ތެރެއިން 75,776 ރުފިޔާ އަނބުރާ ހޯދިފައިވާ ކަމަށް ތަފާސް ހިސާބުތަކުން އެނގެއެވެ. މިއީ ގެއްލުނު ޖުމްލަ އަދަދުގެ 11 އިންސައްތައެވެ.
ސްކޭމް ތަކުން ރައްކާތެރިވުމަށް އެންޓި ސްކޭމް ސެންޓަރުން ދީފައިވާ އިރުޝާދުތަކުގެ ތެރޭގައި ހިމެނެނީ؛
* އެއްވެސް މުޢާމަލާތެއް ކުރުމުގެ ކުރިން އެފަރާތެއްގެ ހަގީގަތް ކަށަވަރުކުރުން،
* އެއްވެސް ހާލެއްގައި އޯޓީޕޕީ ނުވަތަ ޕާސްވޯޑް ހިއްސާނުކުރުން،
* ޝައްކުވާ ކަންންކަން ވަގުތުން ރިޕޯޓުކުރުން
Advertisement
This content is created and paid for by advertisers and does not involve Voice Journalists
