މެދުކެނޑުމެއްނެތި ނުވަ މިނެޓް ވަންދެން ރަޝިޔާއިން ޔޫކްރެއިންގެ ސިޓީއެއްކަމަށްވާ ޚަރްކިވް އަށް ދިން ޑްރޯން ހަމަލާތަކެއްގައި 6 މީހަކު މަރުވެ، 64 މީހަކު ޒަހަމްވެއްޖެއެވެ.

މިހަމަލާތަކުގައި ޒަހަމްވެފައިވާ މީހުންގެ ތެރޭގައި ނުވަ ކުޑަކުދިން ވެސް ހިމެނޭކަމަށް މީޑިޔާތަކުގައި ރިޕޯޓް ކޮށްފައިވެއެވެ. ޔޫކުރެއިން އިން ބުނެފައިވާ ގޮތުގައި ޔޫކްރެއިން އިން ރައްދުގައި ރަޝިޔާގެ ގަން ޕައުޑާ ޕުލާންޓަކަށް ވަނީ ހަމަލާދީފަކަމަށެވެ. ދެފަރާތުން ވެސް ހަމަލާ ބަދަލު ކުރަމުން ދާއިރު ރަޝިޔާއިން ދަނީ ޔޫކްރެއިންގެ ރަށްތަކަށް ވެރިވެގަނެ އަތްގަދަކުރަމުގެ އޮޕަރޭޝަނެއް ފަށައިފައެވެ.

އެގޮތުން ރަޝިޔާއިން ވަނީ ޔޫކްރެއިންގެ ދްނީޕްރޯޕެތުރޯވް ހިފުމަށް ކުރަމުންގެންދާ މަސައްކަތްތަކުގައި ރަޝިޔާގެ އަސްކަރިއްޔާއިން ވަނީ ބޮޑެތި ކުރިއެރުންތަކެއް ހޯދައިފައެވެ. ދްނީޕްރޯޕެތުރޯވް ސަރަހައްދު ދިފާއުކުރުމަށްޓަކައި ޔޫކްރެއިންގެ ސިފައިން އެތަކެއް މަސައްކަތްތަކެއް ކުރިނަމަވެސް ދްނީޕްރޯޕެތުރޯވްސްކް ސަރަހައްދަށް އަތްގަދަ ކުރުމަށް ކުރަމުން އަންނަ މަސައްކަތަށް ކުރިއެރުންތަކެއް ލިބިފައިވާކަމަށް ރަޝިޔާގެ ޑިފެންސް މިނިސްޓުރީ އިން ވަނީ ބުނެފައެވެ.

އަދި ހަމައެހެންމެ ރަޝިޔާއިން ވަނީ ޔޫކްރެއިންގެ 32 ޑްރޯން ވައްޓާލާފައެވެ. މިއީ ރަޝިޔާއަށް ލިބުނު އިތުރު ކުރިއެރުމެއްކަމަށް ރަޝިޔާގެ އަސްކަރިއްޔާގެ އިސް ފަރާތްތަކުން ދަނީ ބުނަމުންނެވެ.

2022 ވަނަ އަހަރުގެ ފެބުރުވަރީ މަހުގެ 24 ވަނަ ދުވަހުން ފެށިގެން ރަޝިޔާއިން ވަނީ ޔޫކްރެއިނާއި ދެކޮޅަށް ހަނގުރާމަފަށައި ބޮޑެތި ކުރިއެރުންތަކެއް ހޯދާފައެވެ. އެގޮތުން މިވަގުތު ވެސް ޔޫކްރެއިންގެ ބިމުގެ ފަސްބައިކުޅަ އެއްބައި ސަރަޙައްދެއް އޮތީ ރަޝިޔާގެ ބާރުގެ ދަށުގައެވެ. އޭގެ ތެރޭގައި ދޮންބާސްގެ ސަރަހައްދުތަށް ކަމަށްވާ ކަމުގައިވާ ލުހާންސްކާއި ޑޮނެސްކުގެ އިތުރުން ޒަޕޮރީރިޔާގެ ގިނަ ސަރަހައްދުތަކެއް ވެސް ހިމެނެއެވެ.