އީރާން-އިޒުރޭލު ހަނގުރާމައިގެ ސަބަބުން ދުނިޔޭގެ ބާޒާރުގައި ތެލުގެ އަގު އުފުލިއްޖެއެވެ.

ދުނިޔޭގެ ބާޒާރުގައި ތެލުގެ އަގު މިވަގުތު ހުރިގޮތަށް ބަލާއިރު، އީރާނާއި އިޒްރާއީލާ ދެމެދު އުފެދިފައިވާ ނުތަނަވަސްކަމާއެކު ދުނިޔޭގެ ބާޒާރުގައި ހަކަތައިގެ ގޮތުގައި ބޭނުންކުރާ ތެލުގެ އަގު އަންނަނީ ބޮޑުވަމުންނެވެ. އެގޮތުން އެމެރިކާގެ ވެސްޓް ޓެކްސަސް އިންޓަރމީޑިއޭޓްގައި ސާފްނުކުރާ ތެއޮފީފާއެއްގެ އަގު ވަނީ 72 ޑޮލަރަށް މައްޗަށް ގޮސްފައެވެ. މީގެ އިތުރުންވެސް ބޮޑެތި ބާޒާރުތަކުގައި ވަނީ ތެލުގެ އަގު އުފުލިފައެވެ. މީގެ ތެރޭގައި ބްރެންޓް ކްރޫޑް ފާހަގަކޮށްލެވެއެވެ.

މިދިޔަ ހުކުރު ދުވަހުގެ ރޭ އީރާން އާއި އިޒުރޭލުން ހަމަލާ ބަދަލުކުރުމުގެ ސަބަބުން ދުނިޔޭގައި ތެލުގެ އަގު ވަނީ %10 އަށް ބޮޑުވެފައެވެ. އިޒްރާއީލާ އީރާނުގެ މައްސަލަ ހައްލުނުވެ ދިގުލައިގެންދާނަމަ ކުރިއަށް އޮތް ދުވަސްތަކުގައި ތެލުގެ އަގު އިތުރަށް އުފުލިގެންދާނޭކަމަށް ދިރާސާކުރާ ފަރާތްތަކުން ބުނެއެވެ. 

އިޒްރޭލުން އީރާނުގެ ތެޔޮ އުފައްދާ ތަންތަނަށް ހަމަލާ ދޭކަމުގައިވާނަމަ ތެޔޮ ފީފާއެއްގެ އަގު 80 ޑޮލަރާއި 100 ޑޮލަރާއި ދެމެދުގެ އަގަކަށް މަތިވާނެކަމަށާއި، އަދި މި ހަމަނުޖެހުން ތަކުގައި ހުރުމޫޒު ކަނޑު ބަންދުކޮށްފިނަމަ ތެލުގެ އަގު ދެގުނަވެ އިންފްލޭޝަން މައްޗައް ދާނެކަމަށް މާކެޓް ދިރާސާކުރާ ފަރާތްތަކުން ވަނީ ފާހަގަަކޮށްފައެވެ.

ދުނިޔޭގައި ތެލުގެ އަގު އުފުލުމުން އެންމެ ބޮޑަށް އަސަރު ކުރާނީ އޭޝިޔާ ބައްރުގެ ޤައުމުތަކަށެވެ. އެގޮތުން އިންޑިޔާ، ޕާކިސްތާން، އިންޑޮނޭޝިޔާ، ބަންގްލަދޭޝްގެ އިތުރުން ޗައިނާއަށް މިކަމުގެ ސަބަބުން އަސަރު ކުރާނެއެވެ. ސަބަބަކީ މިޤައުމުތަކަކީ މެދުއިރުމަތީގެ ތެލަށް އެންމެ ބަރޯސާވާ ޤައުމުތަކަށްވުމެވެ.