އީރާނުން އިޒުރޭލުގެ އެކި ސަރަޙައްދުތަކަށް އަމާޒުކޮށް ވައިގެ މަގުން ހަމަލާދީފިއެވެ.

އީރާނުގެ މިހަމަލާތަށް އަމާޒުކޮށްފައި ވަނީ އިޒުރޭލުން ހިފާފައިވާ ސީރިޔާގެ ޖައުލާންގެ އެކި ހިސާބުތަކަށާއި، އަލް- ޖަލީލްގެ ހިސާބުތަކަށާއި އުތުރާއި މެދުތެރޭގެ ސަރަޙައްދުގެ ކަނޑުކައިރި ހިސާބުތަކަށް އަމާޒުކޮށެވެ.

މިހަމަލާތަކުގައި އިޒުރޭލުގެ އެކިހިސާބުތަކަށް ބޮޑެތި ގެއްލުންތަކެއް ލިބިފައިވާ ކަމަށާއި ހާއްސަކޮށް އިޒުރޭލުގެ ވެރިރަށް ޓެލް އަވީވް އަށާއި އިޒުރޭލުގެ ހިތްކަމަށް ބުނާ ހައިފާއަށް އިއާދަ ނުކުރެވޭ ވަރުގެ ބޮޑެތި ގެއްލުންތަކެއް ލިބިފައިވާ ކަމަށް މީޑިޔާ ތަކުގައި ރިޕޯޓް ކޮށްފައިވެއެވެ.

އީރާނުގެ މި ހަމަލާތަކުގައި އިޒުރޭލުގެ 16 މީހަކަށް އެކިވަރުގެ ޒަހަމްތަށް ވެފައވާކަމަށް އިޒުރޭލުގެ މީޑިޔާތަކުން ވަނީ ރިޕޯޓްކޮށްފައެވެ. މި ހަމަލާތަކުގައި މަރުވާ މީހުންގެ އަދަދު އިޒުރޭލުން ދަނީ ސިއްރުކުރަމުންނެވެ. އިޒުރޭލުން ބުނާ ގޮތުގައި މި ހަމަލާތަކުގައި މަރުވެފައިވަނީ އިޒުރޭލުގެ އެންމެ 24 މީހުންނެވެ. އެހެންނަމަވެސް މަސްރަހު ދިރާސާ ކުރާ ފަރާތްތަކާއި ކަމާ ގުޅުންހުރި އެހެން ފަރާތްތަކުން އިޒުރޭލުގެ 100އަށް ވުރެ ގިނަ މީހުން މިހަމަލާތަކުގައި މަރުވެފައިވާނެކަމަށް ވަނީ ލަފާކޮށްފައެވެ.

އިޒުރޭލުގެ ރައްޔިތުން ބުނާގޮތުގައި މިއީ އީރާން އިޒުރޭލުގެ ހަނގުރާމަ ފެށުނު ފަހުން އީރާނުން އިޒުރޭލަށް އަމާޒުކޮށް ދިން އެންމެ ބޮޑު އަދި އެންމެ ނުރައްކާތެރި އެއް ހަމަލާއެވެ. އީރާނުން ދަނީ މި ހަނގުރާމައިގާ ބިރެއްނެތި އެތަކެއް ގޮތަކުން ކުރިއެރުންތަށް ހޯދަމުންނެވެ.