ވެލާނާ އިންޓަރނޭޝަނަލް އެއަރޕޯޓް (ވީއައިއޭ) ގެ އާ ޕެސެންޖަރު ޓާމިނަލަށް ބޭނުންވާ ސާފު ބޯފެން ފޯރުކޮށްދޭ ފެންހޮޅި ރަސްމީކޮށް އިފްތިތާހުކޮށްފިއެވެ.
މި މަޝްރޫޢު އިފްތިތާހުކޮށްދެއްވީ މޯލްޑިވްސް އެއަރޕޯޓްސް ކޮމްޕެނީ ލިމިޓެޑް, އެމްއޭސީއެލްގެ ސީއީއޯ އަދި އެމްޑީ އިބްރާހިމް ޝަރީފް މުޙައްމަދުއެވެ.
ފަޅުތެރެއިން 635 މީޓަރު އަދި އެއްގަމުން 1،800 މީޓަރުގެ ދިގުމިނުގެ މި ފެން ލައިނަކީ އާ ޓާމިނަލަށް ބޭނުންވާ ސާފު ބޯފެން އަބަދުވެސް ލިބޭނެ ގޮތް ހެދުމަށް އެޅުނު މުހިންމު ފިޔަވަޅެއް ކަމަށް އެމްއޭސީއެލުން ބުނެއެވެ.
އަދި މި މުހިންމު މަޝްރޫޢު ކާމިޔާބުކަމާއެކު ނިންމުމަށް ކުރި މަސައްކަތަށް އެ ކުންފުނީގެ މުވައްޒަފުންނަށް ވަނީ ޝުކުރު އަދާކޮށްފައެވެ.
އައު ޓާމިނަލަށް ބޭނުންވާ ސާފު ބޯފެން ހޮޅި އިފްތިތާހު ކޮށްފައިވާއިރު، އެމްއޭސީއެލުން ވަނީ އެ ޓަރމިނަލް ހުޅުވުމުގެ ކައުންޓްޑައުންވެސް މިހާރު ފަށާފައެވެ.
އެގޮތުން އެ ޓާމިނަލް ހުޅުވުމަށް ނިންމާފައިވަނީ އަންނަ ޖުލައި މަހުގެ 26 ވަނަ ދުވަހުއެވެ.
ޓާމިނަލް ހުޅުވުމަށް ފަހު އޮގަސްޓް މެދާ ހަމައަށް އާ ޓާމިނަލް ބޭނުންކުރާނީ ހަމައެކަނި ގައުމީ އެއާލައިނުންނެވެ. އަދި އެއަށް ފަހު އޮގަސްޓުގެ އެ ތާރީހުން ފެށިގެން 10 އެއާލައިނެއް އާ ޓާމިނަލަށް ބަދަލު ކުރަން ވަނީ ނިންމާފަ އެވެ.
Advertisement
This content is created and paid for by advertisers and does not involve Voice Journalists
