ގަވާއިދާ ޚިލާފަށް ރާއްޖޭގައި ދިރިއުޅެމުންދާ ބިދޭސީންގެ މައްސަލައަށް ހައްލު ގެނައުމަށް މޯލްޑިވްސް އިމިގްރޭޝަނުން ކުރަމުން އަންނަ މަސައްކަތުގެ ދަށުން ހުޅުމާލެސިޓީގައި ގަވާއިދާ ޚިލާފަށް މަސައްކަތްކުރަމުންދިޔަ 4 ބިދޭސީން އިމިގްރޭޝަނުގެ ބެލުމުގެ ދަށަށް ގެންގޮސްފިއެވެ.
މި މީހުން އިމިގްރޭޝަނުގެ ބެލުމުގެ ދަށަށް ގެންގޮސްފައިވަނީ އިއްޔެ ހުޅުމާލޭގައި ހިންގުނު ހާއްސަ އޮޕަރޭޝަނެއްގައެވެ. މި ބިދޭސީން އަތުލައިގަނެފައިވަނީ ރާއްޖޭގައި ޤަވާއިދާ ޚިލާފަށް އުޅޭ ބިދޭސީންނަށް އަމާޒުކޮށް އިމިގްރޭޝަންގެ ޓާސްކު ފޯހުން ކުރިއަށްގެންދާ ރެއިޑު އޮޕަރޭޝަންތަކުގެ ތެރެއިންކަމަށް އިމިގްރޭޝަނުން ވަނީ ބުނެފައެވެ.
އިމިގްރޭޝަނުން ބުނީ މި ރެއިޑް އޮޕަރޭޝަންގައި ހުޅުމާލޭގައި ހިންގަމުންދާ 05 ކެފޭ/ ޓޭކްއަވޭ ތަނެއް ބަލައިފާސްކުރުމަށްފަހު މި ތަންތަނުގައި ޞައްޙަ ވިސާ ނެތި ޤަވާއިދާ ޚިލާފަށް އުޅެމުންދިޔަ 04 ބިދޭސީއަކު ފާހަގަކުރެވިގެން، އެ މީހުން އިމިގްރޭޝަންގެ ބެލުމުގެ ދަށަށް ގެނެވިފައިވާ ކަމަށެވެ.
އިމިގްރޭޝަނުން ވަނީ މީގެ ކުރިންވެސް އެތައްފަހަރެްގެ މަތިން ނުގަވައިދުން ހުޅުމާލޭގައި އުޅެމުންގެންދާ ބިދޭސީން ހޯދުމަށް އޮޕަރޭޝަންތައް ކުރިއަށްގެންގޮސްފައެވެ.
ރާއްޖޭގައި ޤަވާއިދާ ޚިލާފަށް ދިރިއުޅެމުންދާ ބިދޭސީން ހޯދުމަށްފަހު އެމީހުންނާއި މެދު އަޅަންޖެހޭ ފިޔަވަޅުތައް އެޅުމަށްޓަކައި އިމިގްރޭޝަނުން ވަނިީ ރާއްޖޭގެ އެކި ކަންކޮޅުތަކުގައި އޮޕަރޭޝަންތަކެއް ފަށައިފައެވެ. މި އޮޕަރޭޝަންތަކުގެ ދަށުން އިމިގްރޭޝަނުން މިހާތަނަށް 7000 އަށްވުރެ ގިނަ އަދަދެއްގެ ބިދޭސީން ވަނީ ޑީޕޯޓްކޮށްފައެވެ.
Advertisement
This content is created and paid for by advertisers and does not involve Voice Journalists
