ޕުޓިންގެ މައްޗައް ދައުވާކުރުމަށް ޔޫކްރެއިންގެ ރައީސް ޒެލެންސްކީ ގޮވާލައިފި
ރަޝިޔާއިން ޔޫކްރޭނަށް ދެމުންދާ ހަމަލާތަކުގެ ސަބަބުން ރަޝިޔާގެ ރައީސް ވްލަޑިމިއާ ޕުޓިންއަކީ "ހަނގުރާމައިގެ ކުށްވެރިއެއް" ކަމަށް ތުހުމަތު ކުރެއްވާ ޕުޓިންގެ މައްޗަށް ދައުވާ ކުރުމަށް ޔޫކްރެއިންގެ ރައީސް ވޮލޮޑިމިއާ ޒެލެންސްކީ ގޮވާލައިފިއެވެ.
ޒެލެންސްކީ މި މިފަދައިން ބުނެފައި މި ވަނީ ބުދަ ދުވަހުގެ ރޭ ދަންވަރު ރަޝިޔާއިން ޔޫކްރެއިނަށް އަރައިގަތް މައްސަލައިގައި ޕުޓިން ހިމެނޭ ގޮތަށް ރަޝިޔާގެ އޮފިޝަލުންގެ މައްޗަށް ދައުވާ ކުރުމަށް ހާއްސަ ޓްރައިބިއުނަލެއް ގާއިމް ކުރުމަށް ކައުންސިލް އޮފް ޔޫރަޕާ އެކު އެއްބަސްވުމެއްގައި ސޮއި ކުރުމުންނެވެ.
ފާހަގަކޮށްލަންޖެހޭ ގޮތުގައި ރަޝިޔާއިން ދަނީ ޔޫކްރެއިންގެ އެކި ސަރަހައްދުތަކަށް ވެރިވެ ގަންނަމުންނެވެ. އެގޮތުން ރަޝިޔާއިން ވަނީ ޔޫކްރެއިންގެ ދްނީޕްރޯޕެތުރޯވް ހިފުމަށް ކުރަމުންގެންދާ މަސައްކަތްތަކުގައި ބޮޑެތި ކުރިއެރުންތަކެއް ހޯދައިފައެވެ. ދްނީޕްރޯޕެތުރޯވް ސަރަހައްދު ދިފާއުކުރުމަށްޓަކައި ޔޫކްރެއިންގެ ސިފައިން އެތަކެއް މަސައްކަތްތަކެއް ކުރިނަމަވެސް ދްނީޕްރޯޕެތުރޯވްސްކް ސަރަހައްދަށް އަތްގަދަ ކުރުމަށް ކުރަމުން އަންނަ މަސައްކަތަށް ކުރިއެރުންތަކެއް ލިބިފައިވާކަމަށް ރަޝިޔާގެ ޑިފެންސް މިނިސްޓުރީ އިން ވެސް ވަނީ ބުނެފައެވެ.
2022 ވަނަ އަހަރުގެ ފެބުރުވަރީ މަހުގެ 24 ވަނަ ދުވަހުން ފެށިގެން ރަޝިޔާއިން ވަނީ ޔޫކްރެއިނާއި ދެކޮޅަށް ހަނގުރާމަފަށައި ބޮޑެތި ކުރިއެރުންތަކެއް ހޯދާފައެވެ. އެގޮތުން މިވަގުތު ވެސް ޔޫކްރެއިންގެ ބިމުގެ ފަސްބައިކުޅަ އެއްބައި ސަރަޙައްދެއް އޮތީ ރަޝިޔާގެ ބާރުގެ ދަށުގައެވެ. އޭގެ ތެރޭގައި ދޮންބާސްގެ ސަރަހައްދުތަށް ކަމަށްވާ ކަމުގައިވާ ލުހާންސްކާއި ޑޮނެސްކުގެ އިތުރުން ޒަޕޮރީރިޔާގެ ގިނަ ސަރަހައްދުތަކެއް ވެސް ހިމެނެއެވެ.
ރަޝިޔާއިން ޔޫކްރެއިންނަށް ދެމުން އަންނަ ހަމަލާތަށް ތިން އަހަރަށް ދިގު ދެމިގެންދާއިރު ހަނގުރާމަ ހުއްޓާލުމުގެ އެއްބަސްވުމާއި ހަމައަށް އާދެވިފައިވީ ނަމަވެސް އެމަޝްވަރާތަށް ވަނީ ވަގުތީ ގޮތުން މެދުކެނޑިފައިކަން ފާހަގަކޮށްލަން ޖެހެއެވެ.
Advertisement
This content is created and paid for by advertisers and does not involve Voice Journalists
