ދިވެހިރާއްޖޭގެ ފުރަތަމަ "ރެސިޑެންސް ބައި އިންވެސްޓްމަންޓް ޕްރޮގްރާމް" ތަޢާރަފުކޮށް، އެއްބަސްވުމެއްގައި ސޮއިކޮށްފިއެވެ.
އިންވެސްޓްމަންޓް މައިގްރޭޝަން ކުންފުންޏެއް ކަމުގައިވާ ހެންލީ އެންޑް ޕާޓްނާސްއާއެކު، މި އެއްބަސްވުމުގައި ސޮއިކޮށްފައިވަނީ ސިންގަޕޫރުގައި އިއްޔެ އޮތް ރާއްޖޭގެ އިންވެސްޓްމަންޓު ފޯރަމްގެ ތެރެއިންނެވެ.
މިކަމާއި ގުޅިގެން އިކޮނަމިކް މިނިސްޓަރ މުޙައްމަދު ސައީދު ވިދާޅުވީ، މި އެއްބަސްވުމުގެ ސަބަބުނަ، އިންވެސްޓަރުން ކުރާ އިތުބާރު ބޮޑުވެ، ބައިނަލްއަގްވާމާ މައިދާނުގައި ރާއްޖޭގެ އަގު އުފުލޭނެ ކަމަށެވެ.
މީގެ އިތުރުން، މި ޕްރޮގްރާމްގެ ސަބަބުން ރައީސް މުޙައްމަދު މުޢިއްޒު ގެންގުޅުއްވާ 2024 ވަނަ އަހަރުގެ ތަޞައްވުރުގެ ދަށުން ރާއްޖޭގެ އިގްތިސާދު ސިންދަފާތުކުރުމުގެ އައު މަގުތަކެއް ހުޅުވޭނެ ކަމަށްވެސް ވަޒީރު ވިދާޅުވިއެވެ.
ހެންލީ އެންޑް ޕާޓްނާސް އަކީ ކާމިޔާބު އަދި ތަޖުރިބާ ހުރި ކުންފުންޏެއް ކަން ފާހަގަކުރައްވައި މިނިސްޓަރ ސައީދު ވިދާޅުވީ، މިކުންފުނީގެ އެހީތެރިކަމާއެކު ރާއްޖެއަށް އިތުބާރު ހުރި އިންވެސްޓަރުން ގެނައުމަށް މަގުފަހިވެގެންދާނެ ކަމަށެވެ.
އަދި ރާއްޖެއަކީ އިތުބާރު ހިފޭ އިގްތިޞާދެއްގެ ގޮތުގައި ދުނިޔެ ބަލައިގަންނާނެ ކަމަށްވެސް ވިދާޅުވިއެވެ.
ރެސިޑެންސް ބައި އިންވެސްޓްމަންޓް ޕްރޮގްރާމަކީ، އެ ގައުމަކަށް ވަކި އަދަދެއްގެ ފައިސާ އިންވެސްޓުކުރާ އިންވެސްޓަރުންނަށް ނުވަތަ ވިޔަފާރިވެރިންނަށް އެ ގައުމެއްގެ ވަގުތީ ނުވަތަ ދާއިމީ ރަށްވެހިކަން ލިބޭ ޕްރޮގްރާމެކެވެ.
Advertisement
This content is created and paid for by advertisers and does not involve Voice Journalists
