ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ސިންގަޕޫރުގެ އަރބަން ރީޑިވެލޮޕްމެންޓް އޮތޯރިޓީއަށާއި ހައުސިން އެންޑް ޑިވެލޮޕްމަންޓް ބޯޑަށް މިއަދު ޒިޔާރަތްކުރައްވައިފިއެވެ.
ޔޫ.އާރް.އޭ.ގެ ޑެޕިއުޓީ ސީއީއޯ އަދި ޗީފް ޕްލޭނަރ މިސް އެޑެލް ޓަން ޝިއާއޯ ލިންގް އާއި ސިންގަޕޫރުގެ ހައުސިން އެންޑް ޑިވެލޮޕްމަންޓް ބޯޑުގެ ޑިރެކްޓަރ މިސް ސިއާ ޓްޒޭ މިންގް ވަނީ ރައީސުލްޖުމްހޫރިއްޔާ ޔޫ.އާރް.އޭ.އަށް ވަޑައިގަތުމުން، އެމަނިކުފާނަށް ހޫނު މަރުހަބާއެއް ދަންނަވާފައެވެ.
މި ޒިޔާރަތްކުރެއްވުމުގައި، ސިންގަޕޫރު ރައްޔިތުންގެ ލުއިފަސޭއަށް އިސްކަންދޭ، ރައްކާތެރި އަދި ސްމާޓް ދިރިއުޅުމެއް އުޅެވޭނެ ސިޓީއެއް ބިނާކޮށް އަދި ދެމެހެއްޓެނިވި ގޮތެއްގައި ސިންގަޕޫރުން ގެންގުޅޭ ދުރުރާސްތާގެ ޕޮލީސެންޓްރިކް އާބަން ޕްލޭނިންގ އާއިބެހޭގޮތުން ޕްރެޒެންޓޭޝަނެއް، ރައީސުލްޖުމްހޫރިއްޔާ އަށާއި އެމަނިކުފާނުގެ އަރިހުގައި ވަޑައިގެންނެވި ވަފުދުގެ ބޭފުޅުންނަށް ދީފައިވެއެވެ.
މި ޕްރެޒެންޓޭޝަނަށްފަހު ރައީސުލްޖުމްހޫރިއްޔާ ވަނީ ޔޫ.އާރް.އޭ.ގެ ސިންގަޕޫރު ސިޓީ ގެލެރީއަށް ޒިޔާރަތްކުރައްވާފައިވެއެވެ. އެގޮތުން ސިންގަޕޫރުގެ އަރބަން ޕްލޭނިންގެ އެކިއެކި މަރުހަލާތަށް ބައްލަވާލައްވާ ސިންގަޕޫރު ބެލެހެއްޓުމަށް ވޭތުވެދިޔަ ތަނުގައި ދިމާވި ގޮންޖެހުންތަކާއި، އެކަންކަމަށް ޙައްލު ގެނެވުނު ގޮތް ބައްލަވާލައްވާފައިވެއެވެ.
ރައީސް ޑރ.މުޢިއްޒު އާއި ރާއްޖޭގެ ވަފުދުން ސިންގަޕޫރުގެ އަރބަން ރީޑިވެލޮޕްމެންޓް އޮތޯރިޓީއަށާއި ހައުސިން ބޯޑަށް ޒިޔާރަތްކުރެއްވުން/ ފޮޓޯ. ރައީސް އޮފީސް...
ޔޫ.އާރް.އޭ އަކީ ޑިސްޓްރިކްޓް ކޮންޒަވޭޝަން ޕްރޮގްރާމުގެ ސަބަބުން ދުނިޔޭގެ ފެންވަރުގައި ފާހަގަކޮށްލެވޭ ބައެކެވެ. ޔޫ.އާރް.އޭ އަކީ ދެމެހެއްޓެނިވި ގޮތެއްގައި ދިރިއުޅުމަށް އެކަށޭނަ ތަންތަން ތަރައްޤީ ކުރުމަށް ޚާއްޞަ ކޮށްފައިވާ ކުންފުންޏެކެވެ.
Advertisement
This content is created and paid for by advertisers and does not involve Voice Journalists
