ދެކުނުގެ ފުވައްމުލަކު ސިޓީގައި ވެސް މިރޭ ނުރައްކާތެރި އެކްސިޑެންޓެއް ހިނގާ މީހަކަށް އަނިޔާވެެއްޖެ އެވެ.

އެކްސިޑެންޓް ހިނގީ ކާރަކުން ޕާކުކޮށްފައި ހުރި ސައިކަލުތަކެއްގައި ޖެހިގެންނެވެ. އެ މަންޒަރު ފެންނަ ސީސީޓީވީ ފްޓޭޖް ވެސް ވަނީ އާންމުވެފަ އެވެ.

ވީޑިއޯއިން ފެންނަނީ ކާރު އަންނަ ގޮތަކަށް ޕާކުކޮށްފައި ހުރި ސައިކަލު ތަކެއްގައި ޖެހޭ ތަނެވެ. ކާރު ދުއްވަން އިންނަ މީހާއަށް ކާރުގެ އެއްވެސް ކޮންޓްރޯލެއް ނެތް ފަދަ އެވެ.

ކާރުން ޕާކުކޮށްފައި ހުރި ހަތަރު ސައިކަލުގައި ޖެހި ސައިކަލުތައް ވެއްޓެ އެވެ. އޭރު ސައިކަލެއް ޕާކުކޮށްފައި އެތަނުގައި މީހަކު ވެސް ހުއްޓެވެ. އޭނައަށް ބޮޑު އަނިޔާއެއް ނުލިބި ސަލާމަތްވީ ނަސީބަކުންނެވެ.

މިރޭ އައްޑޫގައި ވެސް ވަނީ ނުރައްކާތެރި އެކްސިޑެންޓެއް ހިނގާފަ އެވެ.