އާރު.ޓީ.އެލް ގެ މާލޭ ބަހުގެ ޚިދުމަތުގައި ހިމެނޭ ސޯސަން ރޫޓް (R12) ގެ ދަތުރުތަށް ވަގުތީގޮތުން މެދުކަނޑާލާފައިވާކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމް.ޓީ.ސީ.ސީ) އިން ބުނެފިއެވެ.
އެމް.ޓީ.ސީ.ސީ އިން މިކަން ހާމަކޮށް އެކްސްގައި ކޮށްފައިވާ ޕޯސްޓެއްގައި ބުނެފައިވަނީ ސޯސަން ރޫޓްގެ ދަތުރުތަށް މެދުކަނޑާލާފައި ވަނީ މިއަދާއި މާދަމާގެ ވަގުތުތަކަށް އެކަނިކަމަށެވެ.
ސޯސަން ރޫޓްގެ ދަތުރުތަށް މެދުކަނޑާލާފައިމިވަނީ އަމީރު އަޙުމަދު މަގު މަރާމާތުކުރުމަށް އެ މަގުގެ ބައެއް ބަންދުކޮށްފައިވުމާއި ގުޅިގެންކަމަށް އެކުންފުނިން ވަނީ ބުނެފައެވެ.
މިކަމާއި ގުޅިގެން އިތުރު މައުލޫމާތު ސާފުކުރަން ބޭނުންވާ ފަރާތްތަކުން އެ ކުންފުނީގެ ހޮޓްލައިން 1650 އަށް ގުޅުއްވާ މައުލޫމާތު ސާފުކުރުމަށް އެމް.ޓީ.ސީ.ސީ އިން ވަނީ އެދިފައެވެ.
Advertisement
This content is created and paid for by advertisers and does not involve Voice Journalists
