އާރު.ޑީ.ސީގެ އިންޓަރންޝިޕް ޕްރޮގްރާމް ފަށައިފި
ރޯޑް ޑިވެލޮޕްމެންޓް ކޯޕަރޭޝަން އާރު.ޑީ.ސީ އާއި އިޖުތިމާއީ އަދި އާއިލީ ޒިންމާ އާއި ބެހޭ ވުޒާރާއާ ދެމެދު ވެފައިވާ އެއްބަސްވުމެއްގެ ދަށުން ކުރިއަށްގެންދާ އިންޓަރންޝިޕް ޕްރޮގްރާމްގެ ދެވަނަ ބުރު ރަސްމީކޮށް މިއަދު ފަށައިފިއެވެ.
މި ޕްރޮގްރާމަކީ ހާއްސަ އެހީއަށް ބޭނުންވާ ފަރާތްތަކަށް އަމާޒުކޮށްގެން ކުރިއަށްގެންދާ އިންޓަރްނޝިޕް ޕްރޮގްރާމެއް ކަމަށާ މި ޕްރޮގްރާމްގައި ޖުމުލަ 4 ފަރާތަކުން ބައިވެރިވެފައިވާއިރު ބައިވެރިވާ ކޮންމެ ފަރާތަަކަށް 5،000 ރުފިޔާގެ އެލަވަންސްއެއް ދިނުމަށް ހަމަޖެހިފައިވާކަމަށް އިޖުތިމާއީ އަދި އާއިލީ ޒިންމާ އާއި ބެހޭ ވުޒާރާ އިން ވަނީ ބުނެފައެވެ.
އާރު.ޑީ.ސީ އިން ބުނެފައިވާ ގޮތުގައި މިފަދަ އިންޓަރންޝިޕް ޕްރޮގްރާމްތަކުގެ ސަބަބުން ހާއްސަ އެހީއަށް ބޭނުންވާ ފަރާތްތަކަށް ތަފާތު އެކި ފުރުސަތުތަށް ފަހިވެގެން ދާނެއެވެ.
ރޯޑް ޑިވެލޮޕްމެންޓް ކޯޕަރޭޝަން އާރު.ޑީ.ސީ އަދި އިޖުތިމާއީ އަދި އާއިލީ ޒިންމާ އާއި ބެހޭ ވުޒާރާ ގުޅިގެން މީގެ ކުރިން ވެސް ވަނީ މިފަދަ އިންޓަރންޝިޕް ޕްރޮގްރާމެއް ކާމިޔާބު ކަމާއެކު ނިންމާލާފައެވެ.
Advertisement
This content is created and paid for by advertisers and does not involve Voice Journalists
