އިޒްރާއިލުން ވެސްޓްބޭންކަށް ދިން ހަމަލާއެއްގައި އެމެރިކާއަށް ނިސްބަތްވާ މީހަކު މަރާލައިފި
އިޒްރާއީލުން ފަލަސްތީނުގެ ވޭސްޓްބޭންކްގައި ދިން ހަމަލާތަކެއްގައި އެމެރިކާއަށް ނިސްބަތްވާ މީހަކު މަރާލައިފިއެވެ.
ބަޑިން ދިން މި ހަމަލާތަކުގައި މަރުވެފައިވަނީ އެމެރިކާއަށް ނިސްބަތްވާ ފަލަސްތީނު ދަރިކޮޅުގެ މީހެއްކަމަށްވާ އުމުރުން 20 އަހަރުގެ ސެއިފް މުސްލަތެވެ. މި ހަމަލާގައި ފަލަސްތީނު ރައްޔިތަކުވެސް ވަނީ ޝަހީދުވެފައެވެ.
މުސްލަތު މަރުގެ މައްސަލަ އެމެރިކާގެ ސްޓޭޓް ޑިޕާޓްމަންޓުންވެސް ވަނީ ބަޔާނެއް ނެރެފައެވެ. އެ ޑިޕާޓްމަންޓުން ނެރުނު ބަޔާނުގައި މުސްލަތު މަރުވިކަން ޔަގީންކޮށްދީފައިވާއިރު، އިޒްރާއީލްގެ ހަމަލާއާ ގުޅޭގޮތުން އެއްވެސް ވާހަކައެއް ދައްކާފައެއް ނުވެއެވެ. ބުނެފައިވަނީ އާއިލައަށް އިހުތިރާމްކުރުމުގެ ގޮތުން މިވަގުތު އިތުރު އެއްޗެއް ބުނަން ބޭނުންނުވާކަމަށެވެ. އިޒްރާއީލް ސިފައިންނަށް ވަނުވާ ނޭނގިގެން ފަލަސްތީނަށް ނިސްބަތްނުވާ މީހުން މެރުމަކީ މި ފަހަކަށް އައިސް ވަަރަށް އާއްމު ކަމެކެވެ. އެންމެފަހުންވެސް މިގޮތަށްދިން ހަމަލާތަކެއްގައި އިންސާނީ ހިދުމަތްތެރިންގެ ބައެއްގެ ފުރާނަވަނީ ގެއްލުވާލާފައެވެ.
މުސްލަތު ދިރިއުޅެނީ ފްލޮރިޑާގައެވެ. މުސްލަތު ވޭސްޓްބޭންކަށް ޒިޔާރަތްކުރީ ފަލަސްތީނުގައި ދިރިއުޅެމުންދާ އޭނާގެ އާއިލާއާ ބައްދަލުކޮށްލުމަށެވެ.
އިސްރާއީލުން މިހާރު ދެމުންދާ ހަމަލާތަކުގައި ފަލަސްތީނުގެ 60 ހާހަށްވުރެ ގިނަ ރައްޔިތުން ޝަހީދުވެފައިވާއިރު، މީގެ ތެރޭގައި ގިނައީ އަންހެނުންނާއި ކުދަކުދިންނެވެ.
Advertisement
This content is created and paid for by advertisers and does not involve Voice Journalists
