މިރޭ ހިނގި ނުރައްކާތެރި އެކްސިޑެންޓެއް ގައި މަޝްހޫރު ލަވަކިޔުންތެރިން ކަމަށްވާ މުހައްމަދު އަބްދުލްޣަނީއާ މަރިޔަމް އަޝްފާގެ ދަރިފުޅު ޔޫސުފް އަލްސަން މުހައްމަދު (އަލް) ވަނީ ނިޔާވެފަ އެވެ.
ވެެރިރަށުގެ މައި މަގުގައި މާފަންނު ބަސް ޓާމިނަލް ކައިރީ ހިނގި އެކްސިޑެންޓްގައި އަލްސަންގެ ކުއްލި ވަކިވުމާއެކު އާއިލާއަށް ލިބިފައިވަނީ ފުން ހިތާމަ އެކެވެ. އެއީ ދިވެހި މި ކުޑަކުޑަ މުޖްތަމައުއަށް ވެސް ލިބުނު ފުން ހިތާމަ އެކެވެ.
އަލްސަންގެ ކުއްލި ވަކިވެދިއުމާައެކު މީގެ އަށެއްކަ ގަޑިއިރުކުރީން އިންސްޓަގްރާމްގައި އަަޝްފާ ކޮށްފައިވާ ޕޯސްޓެއް ވަނީ ވައިރަލް ވެފަ އެވެ. އިއްތިފާގަކުން ނަމަވެެސް އަޝްފާއަށް ކުރެވުނީ ކޮންފަދަ ބޮޑު ހަގީގަތެއް ހާމަކޮށްދޭ ޕޯސްޓެއް ހެއްޔެވެ.
އަޝްފާއާ އަލްސަން
އެއީ މަރުގެ މަލާއިކަތާ އައުމުން ކަންކަން ވާނެ ގޮތާ ގުޅޭ ޕޯސްޓެކެވެ. މަރުގެ ވަގުތު އައިސް ޖެހުމުން އިތުރަށް ލަސް ކުރެވުމެއް ނުވާ ކަމެވެ. މަޝްވަރާކޮށް ދެއްކޭނެ ވާހަކައެއް ނޯންނާނެ ކަމެވެ. މަރުގެ ވަގުތު އައިސް ޖެހުމުން އެކަން ލަސްވުމެއް ނެތި ހިނގާނެ ކަމެވެ.
ކޮންފަދަ ބޮޑު ހަގީގަތެއް ހެއްޔެވެ. މާތް ރަސްކަލާންގެ އިރާދަފުޅާއެކު ހުރިހާ ކަމެއް ވެސް ކަނޑައެޅިފައިވާ ގޮތަށް ހިނގާނެ އެވެ. އެއްވެސް ތަފާތެއް ނެތި އެވެ. ކަނޑައެޅިފައިވާ ވަގުތަށް އެއްވެސް ބަދަލެއް އައުމެއް ނެތި އެވެ.
ކީރިތިﷲ އަލްސަންގެ ފާފަތައް ފުއްސަވާ ހެޔޮ ރަހްމަތުގައި ލައްވާށި އެވެ. އެ ދަރިފުޅުގެ މައިންބަފައިންނަަށް ކެތްތެރިކަން ދެއްވާށި އެވެ. އެކްސިޑެންޓްގައި އަނިޔާވި އަނެއް ދެ މީހުންނަށް އަވަސް ޝިފާއެއް ދެއްވާށި އެވެ. އާމީން
Advertisement
This content is created and paid for by advertisers and does not involve Voice Journalists
