ވޮންޑާލަސްޓް ރީޑާ ޓްރެވަލް އެވޯޑްސް 2025 ގެ ޝަރަފުވެރި ދެ އެވޯޑަކަށް ރާއްޖެ ނޮމިނޭޓްވެއްޖެ އެވެ.

މިކަން ހާމަކޮށް ވިޒިޓް މޯލްޑިވްސް ކޯޕަރޭޝަނުން ބުނެފައިވަނީ, "ވޮންޑާލަސްޓް ރީޑާ ޓްރެވަލް އެވޯޑްސް 2025"ގެ ދެ އެވޯޑަކަށް ދިވެހިރާއްޖެ ނޮމިނޭޓުވިއިރު، ވޯޓުލުމުގެ ފުރުސަތު އޮކްޓޯބަރު މަހުގެ 17 ވަނަ ދުވަހުގެ ނިޔަލަށް ހުޅުވާލާފައިވާ ކަމަށެވެ. ވިޒިޓް މޯލްޑިވްސް ކޯޕަރެޝަންނުން ވަނީ އާންމުންގެ ހުރިހާ ފަރާތްތަކުންވެސް ދިވެހިރާއްޖެއަށް ވޯޓު ދިނުމަށް އެދިފައެވެ.

- މޯސްޓް ޑިޒައިރަބަލް ކަންޓްރީ

- ވޯލްޑްވައިޑްމޯސްޓް ޑިޒައިރަބަލް އައިލެންޑް(ސް) - ވޯލްޑްވައިޑް އެވެ.

ވިޒިޓް މޯލްޑިވްސް ކޯޕަރޭޝަނުން ބުނެފައިވާ ގޮތުގައި ވޮންޑާލަސްޓް ރީޑާ ޓްރެވަލް އެވޯޑަކީ ދުނިޔޭގެ ޓްރެވަލް އިންޑަސްޓްރީގައި ވަރަށް ބޮޑަށް ބަލައިގަންނަ އެވޯޑަކަށް ވާއިރު، ނަސީބުވެރިން ކަނޑައަޅަނީ ހަމައެކަނި އާންމުންގެ ވޯޓުން ކަމަށެވެ. ރާއްޖެއިން ވަނީ މީގެ ކުރިން ވެސް ވޯލްޑް ޓްރެވަލް އެވޯޑްސް (ޑަބްލިއުޓީއޭ)ގެ އިންޑިއަން އޯޝަން ކެޓަގަރީ 2025 ގައި ޝަރަފުވެރި ދެ އެވޯޑެއް ވެސް ހާސިލުކޮށްފަ އެވެ. އެއީ:

- އިންޑިއަން އޯޝަންސް ލީޑިން ޑެސްޓިނޭޝަން 2025

- އިންޑިއަން އޯޝަންސް ލީޑިން ގްރީން ޑެސްޓިނޭޝަން 2025 އެވެ.

ރާއްޖެއިން ވަނީ ނިމިގެން ދިޔަ ފަސް އަހަރު އިންޑިއަން އޯޝަންސް އަދި ދުނިޔޭގެ ފަތުރުވެރިކަމުގައި އެންމެ މަގުބޫލު މަންޒިލުގެ އެވޯޑް ހޯދާފައެވެ.

ދިވެހިރާއްޖެއަކީ ބައިނަލްއަޤްވާމީ އެކިކަންކޮޅުތަކުގައި އެންމެ މަޤްބޫލު ފަތުރުވެރިކަމުގެ މަންޒިލެވެ. ހާއްސަ ގޮތެއްގައި ހަނީމޫނުގެ ދުވަސްތައް ހޭދަކުރުމަށް ރާއްޖެއަކީ ގިނަ ބައެއްގެ މަދުގައި ގިނަދުވަސްވީ މަންޒިލެކެވެ.