އިންޑިގޯގެ މަތިންދާ ބޯޓެއް އިންޖީނު ފެއިލް ވެގެން އެމަޖެންސީގައި މުމްބާއީއަށް ޖައްސައިފި
އިންޑިޔާގެ ނިޔު ދިއްލީ އިން ގޯއާއަށް ދަތުރު ކުރަމުން ދިޔަ އިންޑިގޯގެ މަތިންދާ ބޯޓެއް އިންޖީނު ފެއިލް ވެގެން މުމްބާއީ އަށް އެމަޖެންސީގައި ޖައްސައިފި އެވެ.
މި އެމަޖެންސީ ދިމާވެގެން 9:35 ހާ އިރު ވަނީ ރިޕޯޓު ކުރެވިފަ އެވެ. އަދި ރޭ 9:52 ހާ އިރު މި ފްލައިޓް ވަނީ މުމްބާއީ އަށް ޖައްސާފަ އެވެ. މި އެމަޖެންސީ ލޭންޑިން ކޮށްފައި ވަނީ އިނޑިގޯ އެއާލައިންސް އަށް ނިސްބަތްވާ 6އީ-6271 ފްލައިޓް ގެ އެއް އިންޖީނު ފެއިލް ވެގެން އެވެ. މި ބޯޓު ދަދުރު ކުރަމުން ދިޔައީ އިންޑިޔާގެ ނިޔު ދިއްލީ އިން ގޯއާ އަށެވެ. މި ބޯޓު ޖައްސާފައި ވަނީ މުމްބާއީގެ ޗަތުރަޕަތީ ޝިވާޖީ މަހާރާޖް އިންޓަނޭޝަނަލް އެއާޕޯޓް އަށެވެ. މި ބޯޓުގައި ދަތުރު ކުރަމުން ދިޔަ މީހުންގެ އަދަދު ހާމަ ކޮށްފައެއް ނުވެއެވެ.
މި ފްލައިޓް އިން ދަތުރު ކުރަމުން ދިޔަ ފަރާތްތަކުގެ ކިބައިން އިންޑިގޯ އެއާލައިންސް އިން ވަނީ ނިހާޔަތައް މަައާފަށް އެދިފަ އެވެ. އަދި މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާ ކަމަށް މުމްބާއީ ޗަތުރަޕަތީ ޝިވާޖީ މަހަރާޖް އިންޓަނޭޝަނަލް އެއާޕޯޓް އިން ވަނީ ބުނެފަ އެވެ.
ކަސްޓަމަރުން އާއި މުވައްޒަފުންގެ ސަލާމަތީ ރައްކާތެރި ކަމަށް ވަރަށް ބޮޑު ސަމާލު ކަމެއް ދޭ ކަމަށް އިންޑިގޯ އެއާލައިންސް އިން ވަނީ ބުނެފައެވެ. އަދި ވީ އެންމެ އަވަހަކަށް މި ބޯޓަށް ދިމާވެފައިވާ މައްސަލަ ހައްލު ކުރާނެ ކަމަށް ވެސް ވަނީ ބުނެފަ އެވެ.
Advertisement
This content is created and paid for by advertisers and does not involve Voice Journalists
