ދިވެހިރާއްޖޭގައި ވެރިކަންކުރުމުގެ ނިޒާމަކީ ބަރުލަމާނީ ނިޒާމަކަށް ހެދުމަށް ކާށިދޫ ދާއިރާގެ މެންބަރ އަބްދުﷲ ޖާބިރު، މަޖިލީހުގެ ތަޅުމަށް ހުށައަޅަން ނިންމައިފިއެވެ.

ޖާބިރު ވިދާޅުވީ އެބޭފުޅާ ހުށައަޅާ ލިޔުންތަކުގައި ބަރުލަމާނީ ނިޒާމަކަށް ރާއްޖެ ބަދަލު ކުރުމާ ގުޅޭ ހުރިހާ ގާނޫނީ ލިޔުންތަކެއް ހިމެނޭނެކަމަށެވެ. އެގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމުގެ ކަންކަން ވެސް އޭގައި ހިމަނާފައި ވާނެކަމަށް ޖާބިރު ވަނީ ފާހަގަކުރައްވާފައެވެ.

އެބޭފުޅާ ވިދާޅުވީ އަންނަ ހަފުތާގައި މަޖިލީސް ހުޅުވޭއިރަށް ރާއްޖެ ބަރުލަމާނީ ނިޒާމަކަށް ބަަދަލުކުރުމުގެ ކަންކަން މަޖިލީހަށް ހުށައަޅާނެކަމަށެވެ.

މިކަމާއި ގުޅިގެން އެމްޑީީޕީން އަދި އެއްޗެއް ބުނެފައެއް ނުވެއެވެ. ނަަމަވެސް ދިވެހިރާއްޖެ ބަރުލަމާނީ ނިޒާމަކަށް ބަދަލުވެއްޖެނަމަ ބޮޑުވަޒީރުކަން ލިބޭނީ އެޕާޓީގެ ރައީސް މުހައްމަދު ނަޝީދަށްކަމަށް ބެލެވެއެވެ.