ރައީސުލްޖުމްހޫރިއްޔާ ޑރ.މުހައްމަދު މުއިއްޒު މިއަދު ހެނދުނު ބ.ކަމަދުއަށް ވަޑައިގަންނަވައިފިއެވެ.
ރައީސް ޑރ.މުއިއްޒު ކަމަދޫއަށް ވަޑައިގަންނަވާފައިމިވަނީ ބ.އަތޮޅަށް މިހާރު އެމަނިކުފާނު ކުރައްވަމުންގެންދަވާ ޒިޔާރަތުގެ ތެރެއިންނެވެ. ކަމަދޫއަށް ވަޑައިގަތުމުން ރައީސް ޑރ.މުއިއްޒުއަށް އެރަށުގެ ރައްޔިތުން ވަނީ ވަރަށް ހޫނު މަރުހަބާއެއް ދަންނަވާފައެވެ.
ރައީސް ކަމަދޫއަށް ކުރައްވާ މި ޒިޔާަރަތުގައި އެރަށުގައި ގާއިމްކުރި ބޭންކް އޮފް މޯލްޑިވްސްގެ އޭޓީއެމް ހުޅުވައިދެއްވުމަށް ވަނީ ހަމަޖެހިފައެވެ. މީގެ އިތުރުން ކަމަދޫ ކައުންސިލާއި، އަންހެނުންގެ ތަރައްޤީއަށް މަސައްކަތްކުރާ ކޮމިޓީ އާއި ރައްޔިތުންނާ ބައްދަލުކުރެއްވުމަށް ވަނީ ހަމަޖެހިފައެވެ.
ކަމަދޫއިން ރައީސްއަށް މަރުހަބާ ދެންނެވުމަށް ރައްޔިތުން ނިކުމެ..
ރައީސް ޑރ.މުއިއްޒުގެ ބ.އަތޮޅަށް މި ކުރައްވާ ދަތުރުފުޅަކީ އެއަތޮޅުގެ މީހުން ދިރިއުޅުއްވާ ރަށްތަކަށް ވަޑައިގެން އެތަތޮޅުގެ ރައްޔިތުންނާއި ކައުންސިލްތަކާއި، އަންހެނުންގެ ތަރައްޤިއަށް މަސައްކަތްކުރައްވާ ކޮމީޓީތަކާ ބައްދަލުކޮށް ރަށްރަށުގެ ތަރައްޤިއާ ގުޅުންހުރި ކަންކަމާއި ރައްޔިތުން ބޭނުންވާ ކަންކަމާ ގުޅޭ މައުލޫމާތު ހޯއްދަވައި މަޝްވަރާކުރުމުގެ ބޭނުމުގައި ކުރައްވާ ދަތުރުފުޅެކެވެ.
ރައީސް ބ.އަތޮޅަށް ކުަރައްވާ މި ދަތުރުފުޅުގައި 13 ރަށަކަށް ވަޑައިގަންނަވާނެއެވެ.
ރައީސް ޑރ.މުއިއްޒުގެ މި ދަތުރުފުޅުގައި ކަމަދޫއަށްފަހު ކުޑަރިކިލު، ކެންދޫ، އޭދަފުށި، ތުޅާދޫ، ގޮއިދޫ، ފެހެންދޫ، ފުޅަދޫ، ހިތާދޫ، ކިހާދޫ، ދޮންފަނު، ދަރަވަންދޫ އަދި މާޅޮހަށް ވަޑައިގަންނަވާނެއެވެ.
Advertisement
This content is created and paid for by advertisers and does not involve Voice Journalists
