އއ.ތޮއްޑޫގައި ފުލުހުންގެ މަރުކަޒުގެ ބިންގާ އަޅައިފި
އއ.ތޮއްޑޫގައި އިމަރާތްކުރުމަށް ހަމަޖެހިފައިވަ ފުލުހުންގެ މަރުކަޒުގެ އަމަލީ މަސައްކަތް ފަށައިފިއެވެ.
ތޮއްޑޫގައި ގާއިމްކުރަން ނިންމާފައިވާ ފުލުހުންގެ މަރުކަޒުގެ ބިންގާ އެޅުން ކުރިއަށްގެންގޮސްފައިވަނީ، ރައީސުލްޖުމްހޫރިއްޔާ ޑރ.މުހައްމަދު މުއިއްޒު މިއަދު އެރަށަށް ރައީސް ކުރެއްވި ޒިޔާރަތުގެ ތެރެއިންނެވެ.
ފުލުހުންގެ މަރުކަޒުގެ އަމަލީ މަސައްކަތް ފައްޓަވައިދެއްވީ ދާހިލީ ވަޒީރު، އަލީ އިހްސާނާއި، ކޮމިޝަނަރ އޮފް ޕޮލިސް އިސްމާއީލް ނަވީން އާއި ރޯޑް ޑެވެލޮޕްމެންޓް ކޯޕަރޭޝްނަ، އާރުޑީސީގެ މެނޭޖިންގް ޑިރެކްޓަރ އިބްރާހިމް ނަޒީމެވެ. މީގެ އިތުރުން މި ރަސްމިއްޔާތުގައި ތޮއްޑޫގެ ކައުންސިލުގެ ރައީސް ވެސް ބައިވެރިވެވަޑައި ގެންނެވިއެވެ.
ތޮއްޑޫގައި ތަރައްގީކުރާ ފުލުހުންގެ މަރުކަޒަކީ ރޯޑް ޑިވެލޮޕްމަންޓް ކޯޕަރޭޝަން، އާރުޑީސީއާ ހަވާލުކޮއްގެންނެވެ. ތޮއްޑޫގައި ފުލުހުންގެ މަރުކަޒުގެ ބިންގާ އަޅާފައި މިވަނީ، ރާއްޖޭގެ މީހުން ދިރިއުޅޭ ހުރިހަ ރަށެއްގައި ފުލުހުންގެ ހިދުމަތް ފުޅާކުރެއްވުމަށް ރައީސް ގެންގުޅުއްވާ ސިޔާސަތުގެ ތެރެއިންނެވެ. ރައީސް އއ އަތޮޅަށް ކުރައްވަމުންގެންދަވާ ޒިޔާރަތުގެ ތެރެއިން ތޮއްޑޫގެ އިތުރުން މާޅޮހާއި، ހިމަންދޫގައި ގާއިމްކުރުމަށް ނިންމި ފުލުހުންގެ މަރުކަޒުގެ ބިންގާ އެޅުން ވަނީ ކުރިއަށްގެންގޮސްފައެވެ.
Advertisement
This content is created and paid for by advertisers and does not involve Voice Journalists
