ޤައުމީ ދުވަހުގެ މުނާސަބަތުގައި ސަރުކާރުންދޭ ޝަރަފްވެރިކަމުގެ އިނާމް މިފަހަރު ތިން ބޭފުޅަކަށް އަރުފައިފިއެވެ.
ސަރަފްވެރިކަމުގެ އިނާމް ލިބިވަޑައިގެންނެވި 3 ފަރާތަކީ އިސްލާމްދީނަށް ހޭލުންތެރިކަން އިތުރުކުރުވުމާއި ދީނީ ޢިލްމު އުނގަންނައިދިނުމުގެ ދާއިރާއިން މއ. ފީރޯޒްވާދީ ފަޟީލަތުއްޝައިޚް އިސްމާޢީލް މުޙައްމަދު، އިމާރާތް ކުރުމާއި އިމާރާތް ފަރުމާކުރުމުގެ ދާއިރާއިން މ. ދޫރެސް މުޙައްމަދު މަޢުރޫފް ޖަމީލްގެ އިތުރުން ޕަރފޯމިންގ އާޓްސްގެ ދާއިރާއިން ގ. ކްރީމްގެ އަލްމަރްޙޫމް މުޙައްމަދު މާޖިދުގެ ހަނދާނަށެވެ.
މީގެ ތެރެއިން ފަޟީހަތުއް ޝައިހް އިސްމާއިލް މުހައްމަދަކީ އިސްލާމް ދީނަށް ހޭލުންތެރިކަން އިތުރުކުރުމާއި ދީނަށް ހިދުމަތް ކުރުމާއި ދީނީ އިލްމު އުގަންނައި ދިނުމުގެ ދާއިރާއިން އެތަކެއް ހިދުމަތްތަކެއް ކުރައްވާފައިވާ ބޭފުޅެކެވެ. ޝައިހް އިސަމާއިލް މުހައްމަދަކީ ރާއްޖޭގައި ދީން ފެތުރުމަށްޓާކައި ވަރަށޤ ފުޅާ ދާއިރާއެއގްއި މަސައްކަތްޕުޅު ކުރައްވާފައިވާ އަދި ރާއްޖޭން ބޭރުގައި ދީނީ ރޮގުން މަތީ ތައުލީމު ހާސިލް ކުރުމުގެ ފުރުސަތު ދިވެހި އެތަކެއް ދަރިވަރުންނަށް ހޯދައިދެއްވާފައިވާ ބޭފުޅެކެވެ.
ޝަރަފްވެރިކަމުގެ އިނާމް ހާސިލްކުރެއްވި ފަރާތްތައް އިމާމް އެރުވުމުގެ ތެރެއިން... ފޮޓޯ ރައީސް އޮފީސް
އިމާރާތް ކުރުމާއި އިމާރާތް ފަރުމާކުރުމުގެ ދާއިރާއިން ޝަރަފްވެރިކަމުގެ އިނާމް ހާސިލްކުރެއްވި މުހައްމަދު މައުރޫފް ޖަމީލަކީ ރާއްޖޭގެ އިމާރާތްކުރުމާއި އިމާރާތް ފަރުމާ ކުރުމުގެ ދާއިރާއިން ވަރަށް ގިނަ ހިދުމަތް ކުރައްވާފައިވާ އަދި މިހާރުވެސް ހިދުމަތް ކުރައްވަމުން ގެންދަވާ ބޭފުޅެކެވެ. ޖަމީލަކީ ކުރާ ކޮންމެ ކަމެއް އިހްލާސްތެރި ކަމާއެކު ކުރައްވާ ރައްޔިތުންގެ އިހްތިރާމާއި ލޯބި ހޯއްދަވާ ބޭފުޅެކަމަށް ރައީސް އޮފީހުން ވަނީ ފާހަގަކޮށްފައެވެ. މީގެ އިތުރުން ޖަމީލަކީ އާކިޓެކްޓަރ، ޓީޗިންގ އަދި މެނޭޖްމެންޓ ގެ ދާއިރާއިން 40 އަހަރަށް ވުރެ ގިނަ ދުވަހަށް ހިދުމަތް ކުރައްވާ އަދި އެދާއިރާ ތަކުން ގިންގުން ތަޖުރިބާ ލިބިވަޑާއިގެންފައިވާ ބޭފުޅެކެވެ. މައުރޫފް ޖަމީލަކީ ކޮރަލްސްޓޯން އާކިޓެކްޗރ ދާއިރާއިން ދުނިޔޭގެ ފެނަވަރުގައި ފާހަގަކޮއްލެވޭ ބޭފުޅެކެވެ.
ޝަރަފްވެރިކަމުގެ އިނާމް ހާސިލްކުރެއްވި މައުރޫފް ޖަމީލް... ފޮޓޯ ރައީސް އޮފީސް
ޕާފޯމިން އާޓްސްގެ ދާއިރާ އިން ލަވަ ކިޔުމާއި މިޔުޒިކް ކުޅުމުގެ ރޮނގުން ޝަރަފްވެރިކަމުގެ ގައުމީ އިނާމު ލިބިލެއްވި އަދި 48 އަހަރު ހިދުމަތުގައި ދެމިހުރި މަޝްހޫރު މިއުޒީޝަން މަރުހޫމް މުހައްމަދު މާޖިދު (މެޒޯ މޯޑު) އަށް މީގެ ކުރިން ވަނީ 2010 ވަނަ އަހަރު ޕާފޯމިން އާޓްސްގެ ދާއިރާ އިން ލަވަކިޔުމާއި މިއުޒިކް ކުޅުމުގެ ރޮނގުން ހިތްވަރު ދިނުމުގެ ގައުމީ އިނާމު ހާސިލްކޮށްފައެވެ. "އަލްމަރްހޫމް މުހައްމަދު މާޖިދަކީ، މިޔުޒީޝަނެއްގެ ކިބައިގައި ހުންނަންޖެހޭ ރަނގަޅު ސިފަތަކެއް ހުރި އަދި އެހެން މިޔުޒީޝަނުންނަށް އިހުތިރާމު ކުރެއްވި ބޭފުޅެކެވެ. މާޖިދަކީ ދިވެހިން ބަލައިގަތް، ދިވެހިވަންތަ މިޔުޒިކް އުފެއްދެވި އާދަޔާ ހިލާފު މިޔުޒިކީ ފަންނާނެއްކަމަށް ގިނަ ބަޔަކު ގަބޫލްކުރާ ފަންނާނެކެވެ. އާއިލާގެ ފަރާތުން އިނާމާ ހަވާލުވީ ދަރިފުޅު މީރާ މުހައްމަދު މާޖިދު އެވެ.
ޝަރަފްވެރިކަމުގެ އިނާމް ހާސިލްކުރެއްވި މަރްހޫމް މެޒޯ މުހައްމަދުގެ ފަރާތުން އިނާމާ ހަވާލުވުން... ފޮޓޯ ރައީސް އޮފީސް
މި ތިން ފަރާތަށްވެސް އިނާމާއި ލިޔުން އަރުވާފައިވަނީ އުތީމުގައި ބޭއްވި ޤައުމީ ދުވަހުގެ ރަސްމީ ޖަލްސާގައެވެ.
Advertisement
This content is created and paid for by advertisers and does not involve Voice Journalists
