ގައުމީ ދުވަހާއި ގުޅިގެން އެމްއެންޑީއެފުން ބާއްވާ ޝަރަފުގެ ހިނގާލުން މިއަދު ހަވީރު މާލޭގައި ބޭއްވުމަށް ނިންމައިފިއެވެ.
އެމްއެންޑީއެފުން ބުނީ، ހިނގާލުން ފެށުމަށް ނިންމާފައިވަނީ ހަވީރު 4:30 ގައި ބަންޑާރަކޮށިންކަމަށެވެ. މި ހިނގާލުންކުރިއަށްދާއިރު 4 ސަރަހައްދެއްގައި ހުއްޓުމަށް ވަނީ ހަމަޖެހިފައެވެ. އަދި އެމްއެންޑީއެފް ބޭންޑުން ޕާފޯމްކުރުމަށްވެސް ވަނީ ހަމަޖެހިފައެވެ.
ހިނގާލުން ހުއްޓާނޭ ސަރަހައްދުތައް:
- ދިވެހިބަހުގެ އެކެޑަމީ ކުރިމަތި
- މަޖީދީމަގާއި ޗާންދަނީމަގު ޖަންކްޝަން
- މިލިއަން ބުކްޝޮޕް ކައިރި
- ކަޅުތުއްކަލާކޮށީ ހުޅަނގުއުތުރު ކަންމަތި
އެމްއެންޑީއެފުން ބުނީ ހިނގާލުން ނިންމާލުމަށް ހަމަޖެހިފައިވަނީ ކަޅުތުއްކަލާކޮށްޓަށް ކަމަށެވެ. ކޮންމެ އަހަރެއްގެވެސް ރަބީޢުލްޢައްވަލުމަހުގެ 1 ވަނަ ދުވަސް ފާހަގަކުރަނީ ދިވެހިރާއްޖޭގެ ޤައުމީ ދުވަހުގެ ގޮތުގައެވެ. މިދުވަހުގެ މުނާސަބަތުގައި އެމްއެންޑީއެފުން ކޮންމެ އަހަރަކުވެސް ހިނގާލުން ކުރިއަށްގެންދެއެވެ.
އެމްއެންޑީއެފް ހިނގާލުމާއި ބޭންޑްގެ ހަރަކާތްތައް އާއްމުންގެ މެދުގައި ވަރަށްބޮޑު މަގްބޫލްކަމެއް ކޮންމެ ފަހަރަކުވެސް ލިބެއެވެ. ހާއްސަ ގޮތެއްގައި ކޮންމެ އަހަރަކުވެސް ގިނަ އަދަދެއްގެ ކުޑަކުދިން މި ހިނގާލުން ބަލާލުމަށް މަގުތަކަށް ނިކުމެއެވެ.
Advertisement
This content is created and paid for by advertisers and does not involve Voice Journalists
