އައްޒާގެ ހޮސްޕިޓަލަކަށް އަމާޒުކޮށް އިސްރާއީލްގެ ސިފައިން ހަމަލާދީ ނޫސްވެރިންތަކެއް ޝަހީދުކޮށްލި މައްސަލާގައި ޔަހޫދީ ބޮޑުވަޒީރު މައާފަށް އެދި އެކަމަށް އެއްބަސްވެއްޖެއެވެ.

އިސްރާއީލްގެ ހައްދުފަހަނަ އަޅާފައިވާ ސިފައިން އިއްޔެ ގައްޒާގެ ހޮސްޕިޓަލަކަށް ދިން ހަމަލާތަކެއްގައި 5 ނޫސްވެރިއެއްގެ އިތުރުން ދިނަ އަދަދެއްގެ އާއްމު ރައްޔިތުން ވަނީ ޝަހީދުވެފައެވެ. މި ހަމަލާއާ ގުޅިގެން އިސްރާއީލް ސަރުކާރަށް ކުރިމަތިވަމުންދިޔަ ފާޑުކިޔުންތަކާ ގުޅިގެން މީޑިއާ އާ ވާހަކަދައްކަމުން ނަތަންޔާހޫ ވަނީ، ނޫސްވެރިންނަށް ހަމަލާ ދެވުނުކަމަށް އެއްބަސްވެފައެވެ. އަދި މައާފަށް އެދޭކަމަށް ވަނީ ބުނެފައެވެ.

އާއްމުގޮތެއްގައި އިސްރާއީލްގެ ބޮޑުވަޒީރު ނަތަންޔާހޫއަކީ މިފަހަކަށް އައިސް ބާއްވަމުންދާ ނޫސްވެރިންގެ ބައްދަލުވުމުގައި ވަރަށްބޮޑަށް ދޮގުހަދާ ވެރިއެކެވެ. އެގޮތުން މިދިޔަ ހަފްތާގައި ބޭއްވި ނޫސްވެރިންގެ ބައްދަލުވުމުގައި ނިއުޔޯކް ޓައިމްސްއިން ޣައްޒާގެ ކުޑަކުދިން ބަނޑަށްޖެހި އަނަރޫފަވަމުންދާކަމަށް ގެނެސްދިން ހަބަރަކާ ގުޅޭގޮތުން ބުނެފައިވަނީ، އެކުދިންނަށް އެހެން ވަނީ ޖެނެޓިކް ބައްޔެއްގެ ސަބަބުންކަމަށާއި ޔުނިސެފުން ޕްރޮޕެގެންޑާ ފަތުރަމުންދާކަމަށެވެ.

އިސްރާއީލް ސިފައިން ޣައްޒާއަށް ދިން ހަމަލާތަކުގައި 189 ނޫސްވެރިންގެ ފުރާނަ ގެއްލުނުއިރު، 1،500 އަށްވުރެ ގިނަ ސިއްހީ ހިދުމަތްތެރިންގެ ފުރާނަ ގެއްލުނުކަމަށް އދ އިން ވަނީ ބުނެފައެވެ.

އިސްރާއީލުން ޣައްޒާގައި ނޫސްވެރިން ނޫސްވެރިންނަށް އަމާޒުކޮށް ހަމަލާތައް ދެމުންދާއިރު، މިއީ ފަހުގެ ތާރީހުގައި ނޫސްވެރިންނަށް އަމާޒުކޮށް މިފަދަ ގޮތަކަށް ފައުޖަކުން ހަމަލާތައްދިން ފުރަތަމަ ފަހަރެވެ. މިކަމާ ގުޅިގެން ބައިނަލްއަގްވާމީ މީޑިއާތައް ތަމްސީލުކުރާ ޖަމިއްޔާތަކުން ވަނީ އިސްރާއީލުން ނޫސްވެރިންނަށް އަމާޒުކޮށް ހިންގަމުންގެންދާ ޖަރީމާތައް ހުއްޓާލުމަށް ގޮވާލާފައެވެ.