ޕާކިސްތާނަށް މިހާރު ކުރަމުންދާ މޫސުމީ ވިއްސާރައިގެ ސަބަބުން އެޤައުމުގެ ޕަންޖާބް ޕްރޮވިންސްގެ ‎ 1،400އަށްވުރެ ގިނަ އަވަށުގައި ފެންބޮޑުވެ، 1.2 މިލިއަން މީހުން އެހެން ހިސާބުތަކަށް ހިޖުރަކުރަން ޖެހިއްޖެއެވެ.

‎ޕާކިސްތާނުގެ މޫސުމާ ބެހޭ އިދާރާ ޕީޑީއެމުން ބުނެފައިވަނީ، މޫސުމީ ވިއްސާރައިގެ ސަބަބުން ގިނަ ސަރަހައްދުތަކަށް ބޮޑެތި ގެއްލުންތަކާ ކުރިމަތިލާން ޖެހިފަިއވާކަމަށެވެ. އެގޮތުން ކުރިއަށް އޮތް 12 އިން 48 ގަޑިއިރަކީ ނާޒުކު ވަގުތުތަކެއް ކަމަށާއި، 25،000 ރެސްކިއު ޓީމްތައް މިހާރުވެސް ޕަންޖާބުގައި މީހުން ސަލާމަތްކުރުމުގެ މަސައްކަތް ކުރިއަށްދާ ކަމަށެވެ. ޗެނާބް ކޯރު ބަންޑުންވުމުގެ ސަބަބުން 991 އަވަށަކަށް ގެއްލުންތައް ލިބި 769،281 މީހުންނަށް އަސަރުކޮށްފައިވާއިރު، ރާވީ ކޯރު ބަންޑުން ވުމުގެ ސަބަބުން  80 އަވަށާއި 74،775 މީހުންނަށް އެކި ވަރުގެ ގެއްލުންތައ ްލިބިފައިވާކަމަށް ޕީޑީއެމުން ވަނީ ފާހަގަޮށްފައެވެ.

‎ވިއްސާރާގައި ލިބުނު ގެއްލުންތަކުން އިންސާނުން ސަލާމަތްކުރުމުގެ އިތުރުން، 148،000 އަށްވުރެ ގިނަ ޖަނަވާރު ރައްކާތެރި ސަރަޙައްދުތަކަށް ބަދަލުކޮށް، 234 ޖަނަވާރަށް ފަރުވާދޭން ޖެހުނުކަމަށް ޕާކިސްތާނުގެ ކަމާބެހޭ އިދާރާތަކުން ވަނީ ބުނެފައެވެ. ޕީޑީއެމުން ބުނީ މިއަދު އެކަނިވެސް 210،000 އަށްވުރެ ގިނަ މީހުން ރައްކާތެރި ތަންތަނަށް ބަދަލުކޮށްފައިވާއިރު، އޭގެ ތެރެއިން 25،000 މީހުން ތިބީ ރެސްކިއު ކޭމްޕްތަކުގައި ކަމަށެވެ.

މިއަހަރުގެ ޖޫންމަހުން ފެށިގެން ޕާކިސްތާނަށް އެކި ދުވަސްތަކުގެ މަތިން ކުރަމުންދާ މޫސުމީ ވިއްސާރާގައި މިހާތަަނަށް 26،819 މީހުންގެ ފުރާނަ ގެއްލި އެތައް ބައެއްގެ ގެދޮރުވަނީ ގެއްލިފައެވެ.