ޑާކްރެއިނުން އެންމެ އަވަހަށް ނެރުމަށް ތައްޔާރުވަމުންދާ ފިލްމް، "އަލިފާން" ގެ ޕޯސްޓަރު ދައްކާލައިފި
ޑާކްރެއިން އެންޓަރޓައިންމެންޓުން ސިނަމާއަށް ނެރުމަށް ތައްޔާރުވަމުންދާ ފިލްމް "އަލިފާން" ގެ ޕޯސްޓްރު އާއްމުކޮށް ދައްކާލައިފިއެވެ.
އަލިފާނުގެ ޕޯސްޓަރަށް ބަލާއިރު، މިއީ ޑާކްރެއިނުން މިހާތަނަށް ނެރުނު ފިލްމްތަކާ ތަފާތު ފިލްމަކަށްވާނޭކަމަށް ބެލެވެއެވެ. ޑާކްރެއިނުން މި ފިލްމް އޮލިމްޕަހުގައި އެޅުވުމަށް ތައްޔާރުވަމުންދަނީ އަންނަ އޮކްޓޯބަރުމަހުގެ 6 ވަނަ ދުވަހެވެ. ޑާކްރެއިނަކީ ދިވެހި ސިނަމާއަށް އަބަދުވެސް ތަފާތު ޖޯންރާތަކުގެ ފިލްމްތައް ނެރެމުންދާ ޕްރޮޑަކްޝަން ހައުސްއެވެ.
ރާއްޖޭގެ އެހެނިހެން ފިލްމް ޕްރޮޑަކްޝަންތަކާ ޑާކްރެއިން ތަފާތުވަނީ މި ސަބަބަށް ޓަކައެވެ. ޑާކްރެއިނުން ނެރެމުންދާ ކޮންމެ ފިލްމަކީވެސް އެއްފިލްމު އަނެއްފިލްމާ ތަފާތު ފިލްމެކެވެ. އެގޮތުން އަލިފާނަކީވެސް މުޅިން ތަފާތު ޖޯންރާއެއްގެ މައްޗަށް ތައްޔާރުކޮށްފައިވާ ފިލްމެއްކަމަށް ޑާކްރެއިނުން ބުނެއެވެ. އެގޮތުން މި ފިލްމަކީ އެކްޝަން ތްރިލާ ޖޯންރާގެ ފިލްމެކެވ
އަލިފާނުގެ ޕޯސްޓަރު
އަލިފާން، މި ފިލްމުގައި ފެނިގެންދާ ތަރިންގެ ތެރޭގައި ކުލަދާނަ އެކްޓަރު ރަވީ ފާރޫގާއި، ތަޖްރިބާކާރު އެކްޓްރެސް ޝީލާ ނަޖީބް ހިމެނެއެވެ. މީގެ އިތުރުންމިހާރު ދިވެހި ސިނަމާގައި އެންމެ ވިދުންގަދަކަމަށް ގިނަ ބަޔަކު ގަބޫލްކުރާ ޝަރަފް ހިމެނެއެވެ. މީގެ އިތުރުން މި ފިލްމުގައި ޖޭމް އައްލޯ އާއި އާދަމް ރިޒްވީ، މައިހާ އާދަމް، އާއިމިނަތް ސުހާ، މޫސާ އަލީފް، މުހައްމަދު ފައިސަލްގެ އިތުރުން މުހައްމަދު ހާޒިފް ހިމެނެއެވެ.
އާއިޝަތު ފުއާދު އަދި މޮގަރ ޕްރޮޑިއުސްކުރާ ފިލްމްގެ ވާހަކަ ލިޔުނީ، އަހުމަދު ތޮލާލް އެވެ. އެޑިޓް އަދި ޑައިރެކްޓަރަކީ ރަވީ ފާރޫގްގެ އިތުރުން އަލީ ޝިފާއުއެވެ. މި ފިލްމްގެ މަންޒަރުތައް ފުރިހަމަ ވުމުގައި ރިއާލިޓީ ޕްރޮޑިއުސަރެއްކަމަށްވާ ވިޝާލް ޒަކީގެ އިތުރުން އަހުމަދު ޒިފާފްގެ މަސައްކަތް ފާހަގަކޮށްލެވޭއިރު، މޭކަޕް އާޓިސްޓަކީ ހަސަން އާދަމް އެވެ.
ޑާކްރެއިނުން މީގެ ކުރިން ނެރުނު ތްރިލާ ފިލްމެއްގެ ގޮތުގައި 'ފުރޭތަ" ފެނިގެންދިޔައިރު، އަލިފާނަކީ އެ ފިލްމާ މުޅިން ތަފާތު ފިލްމެއްކަމަށް ޑާކްރެއިނުން ބުނެއެވެ. މިގޮތުން މި ފިލްމަކީ ހާއްސަގޮތެއްގައި ތަފާތު ފިލްމެއް ބަލާލަން ބޭނުންވާނެ ޒުވާނުންނަށް ވަރަށް ކަމުދާނެ ފިލްމަކަށް ވާނޭކަމަށް ޑާކްރެއިނުން ބުނެއެވެ. މި ފިލްމުގައި ނޭވާ ހިފަހައްޓާލަންޖެހޭނެ މަންޒަރުތައް ފެނިގެންދާއިރު، އެ މަންޒަރުތަކީ މީގެކުރިން ދިވެހި ސިނަމާއިން މުޅިން އަލަށް ފެނިގެންދާނޭ މަންޒަރުތަކަކަށް ވާނޭކަމަށްވެސް ޑާކްރެއިނުން ފާހަގަކުރެއެވެ.
Advertisement
This content is created and paid for by advertisers and does not involve Voice Journalists
