ނުކުޅެދުންތެރިކަން ހުންނަ މީހުންނަށް ވަޒީފާ ހޯދައިދިނުމަށް އެމްޕީއެލުން އެހީވަނީ
ނުކުޅެދުންތެރިކަން ހުންނަ ފަރާތްތަކާއި ދައުލަތުގެ ބެލުމުގެ ދަށުގައި ބަލަހައްޓަމުންދާ ފަރާތްތަކަށް ވަޒީފާގެ ފުރުސަތުތައް ފަހިކޮށްދިނުމަށް އިޖުތިމާއީ އަދި ޢާއިލީ ތަރައްގީއާ ބެހޭ ވުޒާރާއާއި، މޯލްޑިވަސް ޕޯޓްސް ލިމިޓެޑާ ދެމެދު ފަހުމުނާއެއްގައި ސޮއިކޮށްފިއެވެ.
މި ފަހުމުނާމާގެ ދަށުން، ދިރިއުޅުމުގެ ޙާލަތު ދަށްވެފައިވާ ފަރާތްތަކާއި، ނުކުޅެދުންތެރިކަން ހުންނަ ފަރާތްތަކާއި، އަދި ދައުލަތުގެ ބެލުމުގެ ދަށުގައި ބަލަހައްޓަމުންދާ ފަރާތްތަކަށް ވަޒީފާގެ ފުރުސަތުތައް ހޯދައިދިނުމަށް މަސައްކަތް ކުރެވިގެންދާނެއެވެ. މީގެ ތެރޭގައި ވަޒީފާއަށް އެދޭ ފަރާތްތަކަށް މަސައްކަތުގެ ތަޖުރިބާ ހޯދައިދިނުމުގެ ފުރުސަތުވެސް ހިމެނެއެވެ.
މި ފަހުމުނާމާއަކީ އިޖުތިމާޢީ ރައްކާތެރިކަން ކަށަވަރުކުރުމަށާއި، މުޖުތަމަޢުގެ އެންމެހައި ފަރުދުންނަށް ވަޒީފާގެ ދާއިރާގައި ހަމަހަމަ ފުރުސަތުތައް ފަހިކޮށްދިނުމަށް އެޅޭ މުހިންމު ފިޔަވަޅެކެވެ.
މި އެއްބަސްވުމުގެ ސަބަބުން، މުޖުތަމަޢުގެ އެކި ގިންތިތަކުގެ ފަރާތްތަކަށް ކުރިއަށްދިއުމުގެ މަގު ތަނަވަސްވެގެންދާނެކަމަށް އާއިލާއާ ބެހޭ ވުޒާރާއިން ބުނެއެވެ. އަދި މިއީ އިޖުތިމާޢީ ރައްކާތެރިކަމާއި ހަމަހަމަކަން ކަށަވަރުކުރުމަށް އެޅޭ އިތުރު ފިޔަވަޅެއްގެ ގޮތުގައިވެސް އެ ވުޒާރާއިން ފާހަގަކުރެވެއެވެ.
Advertisement
This content is created and paid for by advertisers and does not involve Voice Journalists
