މާދަމާ ރޭ ހިފުމަށް ހަމަޖެހިފައިވާ ކޭތަ ނަމާދުކުރުމުގެ ފުރުސަތު ހަމަޖައްސައިދިނުމަށް އިސްލާމިކް މިނިސްޓްރީން ކައުންސިލްތަކުގައި އެދިއްޖެއެވެ.
އިސްލާމިކް މިނިސްޓްރީން ކައުންސިލްތަކަށް ފޮނުވާފައިވާ ލިޔުމުގައި ބުނެފައިވަނީ، މާދަމާރޭ ހަނދުކޭތަ ހިފާނޭކަމަށާއި، ކޭތަ ހިފަން ފަށާނީ ރާއްޖެ ގަޑިން އެ ރޭގެ 08:28 ގައިކަމަށެވެ. އެގޮތުން ކޭތަ އެންމެބޮޑަށް ހިފާފައި ހުންނާނީ އެރޭގެ 11:11 ގައިކަމަަށެވެ. އަދި ހަނދުކޭތަ ވީއްލާނީ ރާއްޖެގަޑިން އެރޭގެ މެންދަމު އަލިވެ. 01:55 ގައިކަމަށްވެސް އިސްލާމިކް މިނިސްޓްރީން ވަނީ ފާހަގަކޮށްފައެވެ.
އިސްލާމިކް މިނިސްޓްރީން ވަނީ ރައްޖޭގެ މީހުން ދިރިއުޅެމުންދާ ހުރިހާ ރަށެއްގައި ހުންނަ އެންމެ ބޮޑު މިސްކިތުގައި މާދަމާ ރޭގެ 11:12 ގައި ކޭތަ ނަމާދުކުރެވޭނެ އިންތިޒާމް ހަމަޖައްސައިދިނުމަށް ކައުންސިލްތަކުގައި އެދިފައެވެ. އެގޮތުން ކޭތަ ނަމާދުގެ ހުތުބާ މާދަމައިން ފެށިގެން މިނިްޓްރީގެ ވެބްސައިޓުން ލިބެން ހުންނާނޭކަމަށްވެސް އެ މިނިސްޓްރީން ބުނެއެވެ.
ފަލަކީ ހިސާބުތަކުން ދައްކާގޮތުގައި މާދަމާ ދުނިޔޭގެ އެކި ހިސާބުތަކުގައި ހަނދުކޭތަ ހިފާއިރު، ރާއްޖެއަށް ބްލަޑް މޫނެއް ފެންނަން ހުންނާނެއެވެ.
Advertisement
This content is created and paid for by advertisers and does not involve Voice Journalists
