ކ.ކާށިދޫ ފަޅުގައި ރިސޯޓެއް ތަރައްްޤީކޮށް ހިންގާނެ ބަޔަކު ހޯދުމަށް މިނިސްޓްރީ އޮފް ޓޫރިޒަމް އެންޑް އެންވަޔަރަންމަންޓުން އިއުލާނުކޮށްފިއެވެ.
ޓޫރިޒަމުން ކުރި އިއުލާނުގައި ވާގޮތުން ކާށިދޫ ފަޅުގައި ރިސޯޓެއް ތަރައްޤީކުރުމަށް ހަމަޖެހިފައިވަނީ އެރަށު ފަޅުން ބައެއް ހިއްކައިގެންނެވެ. އެގޮތުން ރިސޯޓް ތަރައްޤީކުރުމަށް 10 ހެކްޓަރުގެ ބިމެއް ހިއްކުމަށް ނިންމާފައިވާއިރު، އެކަމަށް ޝައުގުވެރިވާ ފަރާތްތަކުން މިހިނގާ ސެޕްޓެމްބަރުމަހުގެ ނޮވެމްބަރުމަހުގެ 21 ވަނަ ދުވަހުގެ ކުރިން އެކަމަށް އެދި ބީލަން ހުށަހަޅަން ޖެހެއެވެ.
ޓޫރިޒަމް މިނިސްޓްރީން ބުނީ ކާށިދޫ ފަޅުގައި ރިސޯޓެއް ތަރައްޤީކުރަން ބޭނުންވާ ފަރާތްތަކަށް އެކަމާގުޅޭގޮތުން މައުލޫމާތު ދިނުމަށް ބާއްވާ ބައްދަލުވުން އޮންނާނީ މިމަހުގެ 24 އަދި އޮކްޓޯބަރުމަހުގެ 21 ވަނަ ދުވަހު އޮންލައިނުކޮށް ކަމަށެވެ.
ކާށިދޫ ފަޅުގައި ރިސޯޓް ތަރައްޤީކުރުމުގެ ފުރުސަތު ދިވެހިންގެ އިތުރުން ބިދޭސީ ކުންފުނިތަކަށް ހުޅުވާލާފައި އޮތްއިރު، އެ ރިސޯޓްގައި މަދުވެގެން 100 ބެޑް ހިމަނަންޖެހެއެވެ.
ރިސޯޓް ތަރައްޤީކުރާ ސަރަހައްދު
އެރަށު ފަޅޫގައި ރިސޯޓެއް ތަރައްޤީކޮށް ހިންގުމަކީ ރައީސް ޑރ.މުހައްމަދު މުއިއްޒުގެ ރިޔާސީ ވައުދެކެވެ. ކާށިދޫ ފަޅުގައި މިއަހަރުގެ ކުރީކޮޅުވެސް ރިސޯޓް ތަރައްޤީކުރުމަށް ޝައުގުވެރިވާ ފަރާތްތަކަށް އެ ފުރުސަތު ހުޅުވާލިއެވެ. މީގެ އިތުރުން ރައީސް މައުމޫނު ދުވަސްވަރުވެސް އެ މަސައްކަތް ކުރަން އުޅުނެވެ.
އެގޮތުން މީގެ ކުރިން އެފަޅު ބަޔަކަށް ކުއްޔަށްދިން ނަމަވެސް އޭރު އެ މަސައްކަތް ކުރިއަށްގޮސްފައިނުވަނީ، އެ ފަޅު ހިއްކައިފިނަމަ ތިމާވެއްޓަށް އިއާދަނުކުރެވޭ ވަރުގެބޮޑު ގެއްލުމެއް ލިބިދާނެތީއެވެ.
Advertisement
This content is created and paid for by advertisers and does not involve Voice Journalists
