ޤާނޫނީ ވެރިކަން ނެގެހެއްޓުމުގައި އެންމެ ބޮޑު ދައުރެއް އަދާކުރާ މުއައްސަސާއަކީ އޭޖީއޮފީސް: އުޝާމް
ދިވެހިރާއްޖޭގެ ޤާނޫނީ ވެރިކަން ނެގެހެއްޓުމުގައި އެންމެ ބޮޑު ދައުރެއް އަދާކުރާ މުއައްސަސާއަކީ އެޓާނީ ޖެނެރަލް އޮފީސްކަމަށް، ބަންޑާރަ ނައިބު އަހުމަދު އުޝާމް ވިދާޅުވެއްޖެއެވެ.
ބަންޑާރަ ނައިބުގެ އޮފީހަށް 75 އަހަރު ފުރުން ފާހަގަކުރުމަށް މިރޭ ބޭއްވި ޖަލްސާގައި ވާހަކަދައްކަވަމުން އުޝާމް ވިދާޅުވީ ބަންޑާރަ ނައިބުގެ އޮފީހަކީ ދިވެހިރާއްޖޭގެ ގާނޫނުގެ ވެރިކަން ނެގެހެއްޓުމުގައި އެންމެ މުހިންމު ދައުރެއް އަދާކުރާ އެއް މުއައްސަސާ ކަމަށާއި، މިއީ މީގެ 75 އަހަރުކުރިން ބަންޑާނާއިބު ގެ އޮފީސް ވަކި އޮފީހެއްގެ ގޮތުގައި ޤާއިމުކުރެވުމަކީ ދިވެހިރާއްޖޭގެ ގާނޫނީ ނިޒާމު ތަރައްޤީ ކުރަން އެޅުނު ވަރަށް ޚާއްސަ ފިޔަވަޅެއްކަމަށެވެ.
ބަންޑާރަ ނައިބު ވިދާޅުވީ، އައު ޤާނޫނު އަސާސީގައި ބަންޑާރަ ނައިބުގެ މައްސޫލިއްޔަތު ލިޔެވިފައިވަނީ އެ އޮފީހަކީ ހަމައެކަނި ސަރުކާރުގެ ޤާނޫނީ ވަކީލަކަށް ވުމުގެ ބަދަލުގައި އެ އޮފީހުގެ ޒިންމާއަކަށް ވެގެން ގޮސްފައިވަނީ، ދިވެހިރާއްޖޭގެ ގާނޫނުގެ ވެރިކަން ނަގަހައްޓާ ހިމާޔަތްކޮށް ކުރިއަރުވައި ރައްޔިތުންގެ ސަލާމަތާއި މަންފާއަށް އާންމު މިނުމަކަށް ދިފާޢުކުރުމަށް ޓަކައި މަސައްކަތް ކުރަންޖެހޭ ފަރާތެއްގެ ގޮތުގައި ކަމަށެވެ.
އޭޖީ އޮފީހުގެ އަލިމަސް ޔޫބީލް ފޮތް ނެރެދެއްވުން.. ފޮޓޯ: ރައީސް އޮފީސް
ބަންޑާރަނައިބު ވިދާޅުވީ އެ އޮފީހަކީ ހަމައެކަނި ޤާނޫނީ މުއައްސަސާއެއް ނޫންކަމަށާއި، އެއީ އިންސާފަށާއި އަދުލަށާއި، ހަމަހަމަކަމަށާއި، ޤާނޫނުގެ ވެރިކަމަށް މި ޤައުމުން އަހަމިއްޔަތުކަންދޭ ނިޝާނެއްކަމަށެވެ.
2008 ވަނަ އަހަރު ވުޖޫދީ އާ ގާނޫނުއަސާސީއާ އެކު ބަންޑާރަނައިބުގެ މަސްއޫލިޔަތުތައް ކަޅާއި ހުދުން ލިޔެވުނު. ބަންޑާރަ ނައިބަކީ ހަމައެކަނި ސަރުކާރުގެ ޤާނޫނީ ވަކީލަކަށް ވުމުގެ ބަދަލުގައި އެއީ ދިވެހިރާއްޖޭގެ ގާނޫނުގެ ވެރިކަން ނަގަހައްޓާ ހިމާޔަތްކޮށް ކުރިއަރުވައި ރައްޔިތުންގެ ސަލާމަތާއި މަންފާއަށް އާންމު މިނުމަކަށް ދިފާޢުކުރުމަށްޓަކައި މަސައްކަތް ކުރަންޖެހޭ ފަރާތެއްގެ ގޮތުގައި ކަނޑައެޅިގެންދިޔަ. މީގެ މާނައަކީ ބަންޑާރަނައިބުންނާއި ބަންޑާރަ ނައިބުގެ އޮފީހުގެ މުވައްޒަފުންނަކީ އަބަދުވެސް ނަޒާޙަތްތެރި އަޚުލާޤީ އިތުބާރު ހިފޭ އަދި އިންސާފުވެރި ބަޔަކަށް ވާންޖެހުން
އުޝާމް ވިދާޅުވިއެވެ
މިރޭގެ ރަސްމިއްޔާތުގައި ވަނީ ބަންޑާރަ ނައިބުގެ އޮފީހަށް ދިގުމުއްދަތެއްވަންދެން ހިދުމަތްކުރެއްވި މުއައްޒަފުންގެ އަގު ވަޒަންކޮށް އެކަމުގެ ފިލާ އަރުވާފައެވެ.
މީގެ އިތުރުން މިރޭގެ ވަނީ ބަންޑާރަނައިބު އޮފީހުގެ އައު ވެބްސައިޓް އިފްތިތާހްކޮށްފައެވެ. މި ވެބްސައިޓް އިފްތިތާހްކޮށްފައިވަނީ، އޭއައި ޗެޓް ބޮޓެއް ހިމަނައިގެންނެވެ. މި ބޮޓްގެ އެހީގައި ޤާނޫނީ ގޮތުން ކުރިމަތިވާ ސުވާލުތަކަށް ޖަވާބު ހޯދޭނޭކަމަށް އޭޖީ އޮފީހުން ބުނެއެވެ.
Advertisement
This content is created and paid for by advertisers and does not involve Voice Journalists
