ގްލޯބަލް ސުމޫދް ފްލޮޓިއްލާގެ މިކޭނޯގެ ބޯޓު ޣައްޒާގެ ކަނޑުގެ ސަރަޙައްދުތަކަށް ވަދެއްޖެއެވެ.
މުޅި ޖުމްލަ 44 ބޯޓު ހިމެނޭ ސުމޫދު ފްލޮޓިއްލާގެ މިކެނޯ ބޯޓު ޣައްޒާގެ ކަނޑުގެ ސަރަޙައްދަށް ވަތް ނަަމަވެސް، ދެން ހުރި ބޯޓުތަކުގެ ތެރެއިން ގާތްގަޑަކަށް 30 ބޯޓު ދަނީ ޣައްޒާއާ ދިމާލަށް މިސްރާބު ޖަހަމުންނެވެ.
އެ 44 ބޯޓުތަކުގެ ތެރެއިން 13 ބޯޓެއް ރޭ އިޒްރޭލުގެ ނިރުބަވެރިން ވަނީ ހިސޯރުކޮށް، އޭގެން ދަތުރުކުރި 160 މީހަކު ހައްޔަރުކޮށްފައެވެ. ދެން ހުރި ބޯޓުތައް ކުރިޔަށް އޮތް ގަޑިއިރެއްގެ ތެރޭގައި ޣައްޒާގެ ކަނޑުގެ ސަރަޙައްދަށް ވަންނާނެ ކަމަށް ބެލެވެއެވެ.
ރޭ އިޒްރޭލުން 13 ބޯޓެއް ހިސާރުކޮށްފައިވަނީ ޣައްޒާ އާއި ގާތްގަޑަކށް 70 ނޯޓިކަލް މޭލު ބޭރުން، އިޒްރޭލުގެ ބާރު ނުހިނގާ ސަރަޙައްދަކުންނެވެ. އެހެންކަމުން އެކަމަކީ ބައިނަލްއަގުވާމީ ޤާނޫނުތަކާއި މުޅިން ޚިލާފު ކަމެކެވެ.
ގްލޯބަލް ސުމޫދު ފްލޮޓިލާ ޣައްޒާއަށް ދަތުރުކުރަނީ އިޒްރޭލުން ޣައްޒާގެ މައްޗަށް އަޅާފައިވާ ބްލޮކޭޑަށް ގޮންޖެހުމުގެ ގޮތުންނެވެ. މީގެ ކުރިންވެސް ޣައްޒާއަށް ދަތުރުކުރި ފްލޮޓިލާތައް މެޑިޓަރޭނިއަން ކަނޑުގެ މިފަދަ ސަރަހައްދުތަކުގައި އިސްރާއީލުން ވަނީ ހުއްޓުވާފައެވެ.
މި މުޅި ހަރަކާތުގައި 44 ޤައުމަކުން ގާތްގަޑަކަށް 500 އެއްހާ މީހުން ބައިވެރިވެއެވެ. އޭގެ ތެރޭގައި އައިއޭސީގެ ސެކްރެޓަރީ ޖެނެރަލް އަޙްމަދު ޝާޒު (ބޮޑޭ) ވަނީ އެ ފްލޮޓިއްލާގެ އޮބްޒާވަރުންގެ ބޯޓުގައި ފްލީޓާއެކު ދަތުރުކޮށްފައެވެ.
Advertisement
This content is created and paid for by advertisers and does not involve Voice Journalists
