ރާއްޖޭގެ އެންމެގިނަބަޔަކު ބޭނުންކުރާ އީޒެޕުން އެ އެޕްލިކޭޝަން ބޭނުންކުރާ ކަސްޓަމަރުންނަށް ފަސޭހަކޮށްދިނުމުގެ ގޮތުން "އީޒެޕް ޑިޖިޓަލް އެސިސްޓަންޓް ތައާރަފްކޮށްފިއެވެ.
އީޒެޕް ޑިޖިޓަލް އެސިސްޓަންޓަކީ އެ އެޕްލިކޭޝަނުގެ ހިދުމަތްތަކާ ގުޅޭގޮތުން ކަސްޓަމަރުން އޮޅުންފިލުވަން ބޭނުންވާ ކަންކަން ވީހާވެސް އަވަސްގޮތެއްގައި ދިނުމަށް ތައާރަފްކުރެވުނު ހިދުމަތެކެވެ. މިބަދަލާ ގުޅޭގޮތުން އީޒެޕްގެ ސީއީއޯ/ ސީއެފްއޯ މިއުވާން ވިދާޅުވީ ކަސްޓަމަރުންނަށާއި، އީޒެޕްގެ ޑްރައިވަރުންގެ އިތުރަށް ވިޔަފާރި ތަކަށް އީޒެޕާ ގުޅޭ މައުލޫމާތުތައް ހޯދުމަށް ފަސޭހަވެގެންދާނޭކަމަށެވެ.
"އީ އީޒެޕަކީ ސްޓާރޓަޕްއަކަށް ވެފައި ޓީމް ކުޑަވުމުގެ ސަބަބުން މިވަގުތު ކަސްޓަމަރުންނާއި، އީޒެޕްގެ ޑްރައިވަރުންގެ ސވާލުތަކަށް ޖަވާބުދިނުމުގައި ލަސްތަކެއް އުޅޭކަން ފާހަގަކުރެވޭ. މިހާރު ތައާރަފްކުރެވުނު އީޒެޕް ޑިޖިޓަލް އެސިސްޓެންޓާއެކު އެންމެ ގިނައިން ކުރާ ސުވާލުތަކަށް އަވަހަށް ޖަވާބުލިބިގެންދާނެ" މިއުވާން ވިދާޅުވިއެވެ.
އޭނާ އިތުރަށް ވިދާޅުވީ، އަލަށް ތައާރަފްކުރެވުނު ޑިޖިޓަލް އެސިސްޓަންޓާއެކު ޑްރައިވަރުންގެ އެޕްލިކޭޝަން އެޕްރޫވް ކުރުން އަވަސްވުމާއި ކަސްޓަމަރުންނަށް އޯޑަރު ޖަހައި - ޓެކްސީ ވިޔަސް، ކާއެއްޗެއް ވިޔަސް އޯޑަރުކުރެވޭނެގޮތް ވީޑިއޯގެ އެހީގައި ބަލާލެވޭނޭކަމަށެވެ
" ފުރަތަމަ ހަމައެކަނި އީޒެޕް ހޮޓްލައިން ވަޓްސްއަޕް 7560606 ގައި ޓެސްޓް ކުރުމަށް ފަހު އިންސްޓަގްރާމް އަށާއި ފޭސްބުކްފަދަ ކަސްޓަމާ އަދި ޑްރައިވަރުންގެ ޓަޗްޕޮއިންޓް ތަކަށްވެސް އީޒެޕްގެ ޑިގިޓަލް އެސިސްޓެންޓް - ޒެޕާމޭން މެދުވެރިކޮށް އިންޝާالله މި އަންނަ އަހަރު ހިދްމަތް ދެވޭނެ" މިއުވާން ވިދާޅުވިއެވެ.
މިއީ އީޒެޕްގެ ޓީމުން ކުރި މަސައްކަތެއްކަން ފާހަގަކުރަމުން އޭނާ ވަނީ މިހާރު ތައާރަފްކޮށްފައިވާ އީޒެޕްގެ ޑިޖިޓަލް އެސިސްޓަންޓް ކުރިއަށްއޮތް ތަނުގައި އޭއައި އެސިސްޓަންޓަކަށް ބަދަލުކުރާނޭކަން ފާހަގަކޮށްފައެވެ.
އީޒެޕުން ބުނީ ކުރިއަށްއޮތްތަނުގައިވެސް އެ އެޕްލިކޭޝަނުންދޭ ހިދުމަތްތައް ބައްޓަންކުރާނީ، ރާއްޖެގެ ޒުވާނުންނަށާއި ކުދި އަދި މެދުފަންތިގެ ފިޔަވާރިތަކަށް ފުރުސަތުތައް ފަހި ކޮށްދީ އިގްތިސާދު ފުޅާކުރުމަށް ކަމަށެވެ.
Advertisement
This content is created and paid for by advertisers and does not involve Voice Journalists
