އަލް ޢަސްރު ޖަމިއްޔާއިން އިންތިޒާމް ކޮށްގެން ހުޅުމާލެ ފޭސް ދޭއްގެ މަސްޖިދް ޙަސަން އާދަމް މިސްކިތުގައި ހާއްސަ ދަރުހެއް ބޭއްވުމަށް ތާވަލްކޮށްފިއެވެ.
އަސްރުން ބުނީ މިރޭގެ ދަރުސް ހާއްސަކޮށްފައިވަނީ "ޤުރްއާނާމެދު ތަދައްބްރުކުރުމަށް މަގެއް" މި މައުލޫގެ މައްޗަށް ކަމަށެވެ. މި ދަރުސް ދެއްވާނީ އައްޝައިހް މުތީޢު އިސްމާއީލެވެ. ދަރުސް ފެށުމަށް ހަމަޖެހިފައިވަނީ އިޝާނަމާދަށްފަހުގައެވެ
ކީރިތި ޤުރްއާންގައިވާ ބަސްފުޅުތަކަށް ފުންކޮށްވިސްނައި އެ އާޔަތްތަކާމެދު ފިކުރުކޮށް އެ ބަސްފުޅުތަކަށް ޢަމަލު ކުރުމަށް މާތް ﷲ އިންސާނާގެ މައްޗަށް އަމުރުކުރައްވާފައެވެ. ކީރިތި ޤުރްއާން ތަދައްބުރުކޮށް ކިޔެވުމަކީ އެ ކިޔަވާ އާޔަތްތަކާމެދު ފުންކޮށްވިސްނާ، އެ އާޔަތްތަކުގެ މާނަ ދެނެގަނެ، އާޔަތުގައިވާ އެންމެހާ މާނަތައް ފަހުމުކޮށް ދެނެގަތުމެވެ. މިރޭގެ މައުލޫ ހާއްސަކޮށްފައިވަނީ މިކަމުގެ މައްޗަށެވެ.
މިރޭގެ ދަރުސް ވޮއިސްގެ ފޭސްބުކް ޕޭޖުން ލައިވްކުރުމަށް ވަނީ ހަމަޖެހިފައެވެ.
އަސްރު ޖަމިއްޔާއިން ވަނީ މީގެ ކުރިންވެސް މީގެ ދަރުސްތައް މާލޭގެ އިތުރުން އަތޮޅުތަކުގެ ރަށްތަކުގައިވެސް ކުރިއަށްގެންގޮސްފައެވެ. މީގެ އިތުރުން އެ ޖަމިއްޔާއިން އަންނަނީ ދީނީ އެކިއެކި ވަރކްޝޮޕްތައްވެސް އެކި އުމުރު ފުރާތަކަށް ހާއްސަކޮށް ބާއްވަމުންނެވެ.
Advertisement
This content is created and paid for by advertisers and does not involve Voice Journalists
