މިރޭ ވޭލްސް އާ ދެކޮޅަށް ކުޅުމަށް ހަމަޖެހިފައިވާ އެކުވެރިކަމުގެ މެޗްގައި ކެޕްޓަން ހެރީ ކޭންއަށް ނުކުޅެވޭނޭކަމަށް އިނގިރޭސި ޤައުމީޓީމްގެ ކޯޗް ތޯމަސް ޓުޗެލް ބުނެފިއެވެ.
ކޭންއަށް އަނިޔާވެފައިވަނީ ޖަރުމަން ލީގްގައި އެންމެފަހުން ފްރޭންކްފަރޓްއާ ދެކޮޅަށް ކުޅުނުމެޗްގައި އޭނާގެ ތަނބިކައްޓަށެވެ. ވޭލްސްއާ ކޭންއާ ބެހޭގޮތުން ވާހަކަދައްކަމުން ޓުޗެލް ބުނީ ވޭލްސް އާ ދެކޮޅަށް ނިކުންނަ މެޗަށް ކޭންއަށް ނުކުޅެވުނު ނަމަވެސް ވަރލްޑްކަޕް ކޮލިފައިންގައި ލެޓްވިއާ އާ ދެކޮޅަށް ނިކުންނަ މެޗަށް ކޭން ފިޓްވާނޭކަމަށް އުއްމީދުކުރާ ކަމަށެވެ.
ވަރލްޑްކަޕަށް ތައްޔާރުވުމުގެ ގޮތުން އިނގިރޭސިޓީމް މިރޭ ވޭލްސްއާ ދެކޮޅަށް ނިކުންނައިރު، އިނގިރޭސި ޓީމްގެ ކެޕްޓަންކަން ކުރާނީ ޖޯޑަން ހެންޑަރސަން، ޖޯން ސްޓޯންސް ނުވަތަ ޑެކްލަން ރައިސް މިއިން ކޮންމެވެސް ކުޅުންތެރިއެކެވެ. އިނގިރޭސިން އެންމެފަހުން ވޭލްސް އާ ދެކޮޅަށް ނިކުމެފައިވަނީ 2022 ވަނަ އަހަރު ވަރލްޑްކަޕްގައެވެ.
ވަރލްޑްކަޕް ކޮލިފައިނަށް ތައްޔާރުވުމުގެ ގޮތުން އިނގިރޭސިން ކުޅުމަށް ހަމަޖެހިފައިވާ މިމެޗް ކުޅޭނީ އެޤައުމުގެ ވެމްބްލީ ސްޓޭޑިއަމްގައެވެ. މިމެޗް ފަށާނީ ރާއްޖެގަޑިން ދަންވަރު 11:45 ގައެވެ.
Advertisement
This content is created and paid for by advertisers and does not involve Voice Journalists
