ވަރލްޑްކަޕް ކޮލިފައިންގައި ރޭ ފްރާންސާ އަޒަރްބައިޖާން ބައްދަލުކުރިމެޗް ފަސޭހަކަމާއެކު ފްރާންސް ކާމިޔާބުކޮށްފިއެވެ.
ފްރާންސްގެ ވެރިރަށް ޕެރިހުގެ ޕާކް ޑި ޕްރިންސަސް ސްޓޭޑިއަމްގައި ކުޅުނު މިމެޗް އަޒަރްބައިޖާގެ މައްޗަށް އެޓީމް ކުރި ހޯދީ 0-3 ގެ ނަތީޖާއަކުންނެވެ. ރޭގެ މެޗް ޑޮމިނޭޓްކޮށް މޮޅަށް ކުޅެފައިވަނީ ފްރާންސުންނެވެ.
މެޗްގައި ފްރާންސަށް ގޯލްހުޅުވާލަދިނީ ފުރަތަމަ ހާފްގެ އިތުރުވަގުތުގެ ކުޅުމުގެ ތެރޭގައި ކެޕްޓަން ކިލިއަން އެމްބާޕޭ އެވެ. މެޗްގައި ފްރާންސުން ޖެހި ދެވަނަ ލަނޑު އެޓީމަށް ޖަހައިދިނީ އެމްބަޕޭ ތަނަވަސްކޮށްދިން ފުރުސަތެއްގައި ރެބިއޯއެވެ. މެޗްގައި ފެނިގެންދިޔަ ފްރާންސުގެ ތިންވަނަ ލަނޑު ޖަހައިދިނީ 84 ވަނަ މިނެޓް ތެރޭގައި ފްލޯރިއަން ތުއަވިން އެވެ.
އަޒަރްބައިޖާން އާއި ފްރާންސް ބައްދަލުކުރިމެޗްގެ ތެރެއިން... ފޮޓޯ: ގެޓީ
ރޭގެ މެޗްގައި އެމްބަޕޭޖެހި ލަނޑާއެކު އޭނާ ވަނީ ޤައުމީޓީމަށް މިހާތަނަށް 53 ލަނޑު ޖަހައިދީފައެވެ.
މެޗަށްފަހު ކުޅުނު ތިން މެޗުން ލިބުނު 9 ޕޮއިންޓާއެކު ތާވަލުގެ އެއްވަނާގައި ފްރާންސް އުޅޭއިރު، ހަތަރު ޕޮއިންޓާއެކު ދެވަނާގައި އުޅެނީ ޔުކްރެއިނެވެ. ތާވަލްގެ ތިން ވަނާގައި 3 ޕޮއިންޓާއެކު އައިސްލޭންޑް އުޅޭއިރު ތާވަލްގެ އެންމެފުލުގައި އަޒަރްބައިޖާނަށް ލިބިފައިވަނީ އެންމެ ޕޮއިންޓެކެވެ.
Advertisement
This content is created and paid for by advertisers and does not involve Voice Journalists
