ވިހަ މާއްދާއެއް ހުރި, ކެއްސުމަށް ބޭނުންކުރާ ތިން ބޭހެއް ފާހަގަކުރެވިފައިވާއިރު އެ ބޭސްތައް ރާއްޖެ އެތެރެކޮށްފައިނުވާ ކަމަށް މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން ބުނެފިއެވެ.
މިއީ އިންޑިއާގެ ތިން ކުންފުންޏަކުން އުފައްދާފައިވާ ބޭސްތަކެކެވެ. އެމްއެފްޑީއޭ އިން ބުނީ މި ބޭސްތަކުގައި ވިހަ މާއްދާއެއް ހުރެގެން ބޭސް ބޭނުންކުރުމާއި، ވިއްކުން މަނާކޮށްފައިވާކަމަށް ސައުތު އީސްޓް އޭޝިއާ ރީޖަން ނެޓްވޯކުން އެލާޓް ކޮށްފައިވާ ކަމަށެވެ.
މި ތިން ކުންފުންޏަކީ، އެމްއެފްޑީއޭއިން ބޭސް އިމްޕޯޓް ކުރުމަށް ހުއްދަ ދީފައިވާ ކުންފުނިތަކެއް ނޫން ކަމަށް ބުނެފައިވެ އެވެ. އަދި ބުނީ އެ ކުންފުނިތަކުން އުފައްދާ އެއްވެސް ބޭހެއް، އިމްޕޯޓްކުރުމަށް ކަނޑައަޅާފައިވާ އެއްވެސް އުސޫލެއްގެ ދަށުން ރާއްޖެ އިމްޕޯޓްކޮށްފައި ނުވާކަން ޔަގީންކުރެވިފައިވާ ކަމަށެވެ.
ރިޕޯޓްތައް ބުނާގޮތުން މި ބޭސްތައް ބޭނުންކޮށްގެން އިންޑިއާގައި ބައެއް ކުދިން ވަނީ މަރުވެފަ އެވެ.
އިންޑިއާއަކީ ގިނަ އަދަދެއްގެ ދިވެހީން ބޭސްފަރުވާއަށްދާ ގައުމެއް ކަމުން ބައެއް ހާލަތްތަކުގައި އަމިއްލަ ބޭނުމަށް އިންޑިއާއިން ބޭސް އެތެރެކުރާއިރު އެކަމަށް ސަމާލުވުމަށް ވެސް އެމްއެފްޑީއޭއިން ވަނީ އިލްތިމާސްކޮށްފައެވެ.
Advertisement
This content is created and paid for by advertisers and does not involve Voice Journalists
