އައްޑޫގައި ސިޓީކައުންސިލެއް އުފެެއްދީވެސް ޝަރުތު ފުރިހަމަނުވެ: ފާއިޒް
އައްޑުއަތޮޅުގައި ސިޓީ ކައުންސިލެއް އުފެއްދީ ސުޕްރީމްކޯޓުގެ ހުކުމެއްގެ ސަބަބުން ކަމަށާ އެއިރު އައްޑުއަތޮޅުގައި ސިޓީކައުންސިލެއް އުފައްދަން ގާނޫނުގައި ބުނާ ޝަރުތު ފުރިހަމަނުވާ ކަމަށް ކުރީގެ އުއްތަމަފަނޑިޔާރު އަޙްމަދު ފާއިޒް ހުސައިން ވިދާޅުވެއްޖެ އެވެ.
ފާއިޒް މިހެން ވިދާޅުވީ އައްޑޫގެ ތިން ރަށެއްގައި ސިޓީ ކައުންސިލާއި ވަކީން ކައުންސިލްތަކެއް ހެދުމާއިމެދު އާންމުންގެ މެދުގައި އޮތް ހިޔާލުތަފާތުވުންތަކާއި ގުޅިގެން ފޭސްބުކްގައި ކުރެއްވި ޕޯސްޓެއްގަ އެވެ. އެ ހިޔާލުތަފާތުވުންތަކުގެ އަޑު އަލުން ގަދަވީ އައްޑޫ ސިޓީ ކައުންސިލް އެކުލެވިފައިވާ ގޮތަށް ބަދަލުގެނައުމަށް ޓަކައި އައްޑުއަތޮޅު ހުޅުދޫއާއި އައްޑުއަތޮޅު މީދޫއާއި އައްޑުއަތޮޅު ފޭދޫގެ ރައްޔިތުންގެ ޚިޔާލު ހޯދުމުގެ ޢާންމު ވޯޓު ނެގުމަށް ނިންމާ އެ މަސައްކަތް ފެށުމުންނެވެ.
ފާއިޒް ވިދާޅުވީ އައްޑުއަތޮޅުގައި ސިޓީ ކައުންސިލެއް އުފެއްދީ ސުޕްރީމްކޯޓުގެ ހުކުމެއްގެ ސަބަބުން ކަމަށާ އެއިރު އައްޑުއަތޮޅުގައި ސިޓީކައުންސިލެއް އުފައްދަން ގާނޫނުގައި ބުނާ ޝަރުތު ފުރިހަމަނުވާ ކަމަށެވެ.
އައްޑޫގައި ސިޓީ ކައުންސިލެއް އުފެއްދީ އޭރު ސުޕްރީމް ކޯޓުގެ ކޯޓުގެ އަމުރަކުންނެވެ. އެ ނިންމުން ނިންމާފައި އޮތީ ސުޕްރީމް ކޯޓުގެ އަޣްލަބިއްޔަތަށް އިއްތިފާގު ވެވޭތީ ކަމަށް ބުނެ އެވެ. އަޣްލަބިއްޔަތަށް އިއްތިފާގު ވެވުނު ނިންމުމުގައި އިއްތިފާގު ނުވެވުނު ފަނޑިޔާރުން އެނގޭކަށް ނެތްކަން އެ ޕޯސްޓަށް ކުރެއްވި ކޮމެންޓެއްގައި ކުރީގެ ފަނޑިޔާރު އަލީ ސަމީރު ވަނީ ފާހަގަ ކުރައްވާފަ އެވެ.
އަދި ވިދާޅުވީ މި އަމުރު ނެރުނު އިރު ސިވިލް ކޯޓުން އައްޑޫ ސިޓީ ކައުންސިލް އުފެއްދެން ނެތްކަމަށް ކަނޑައަޅައި ކޮށްފައިވާ ހުކުމް ދެމިއޮތް ކަމަށާ ސުޕްރީމް ކޯޓުގެ އަމުރުގައި ސިވިލް ކޯޓުގެ އެ ހުކުމް ބާތިލުކޮށްފައިނުވާ ކަަމަށެވެ.
އެ ވާހަކަތަކާއި ގުޅިގެން ފާއިޒު ވިދާޅުވީ އެ އަމުރަކީ އޭރުގެ ސަރުކާތުން ބޭނުންވާ ގޮތަށް ނެރުނު އަމުރެއް ކަަމަށެވެ. އެކަން އޭރުގެ ބަންޑާރަނާއިބު ޑރ. އަހްމަދު އަލީ ސަވާދަށް ވަރަށް ރަނގަޅަށް އެނގިވަޑައިގަންނަވާނެ ކަމަށް ވިދާޅުވި އެވެ.
އައްޑޫ ސިޓީ ކައުންސިލް އުފެއްދެން ނެތްކަމަށް ކަނޑައަޅައި ސިވިލް ކޯޓުން ހުކުމް ކުރީ އެ މައްސަލަ ބެއްލެވި ސިވިލް ކޯޓްގެ އޭރުގެ ތިން ގާޒީން ކަމަށްވާ ހާތިފް ހިލްމީ އާއި އާއިޝާ ޝުޖޫން މުހައްމަދާއި އަލީ ނަސީރެވެ.
އައްޑޫ ސިޓީ ކައުންސިލް އެކުލެވިފައިވާ ގޮތަށް ބަދަލުގެނައުމަށް ޓަކައި އައްޑުއަތޮޅު ހުޅުދޫއާއި އައްޑުއަތޮޅު މީދޫއާއި އައްޑުއަތޮޅު ފޭދޫގެ ރައްޔިތުންގެ ޚިޔާލު ހޯދުމުގެ ޢާންމު ވޯޓު ނެގުން އޮތީ މި މަހުގެ 25 ވަނަ ދުވަހު އެވެ.
Advertisement
This content is created and paid for by advertisers and does not involve Voice Journalists
