ދެމެހެއްޓެނިވި ގޮތެއްގައި ރަނގަޅުކާނާ ބާޒާރުން ލިބޭނޭގޮތް ހެދުމަށް ފިޔަވަޅުތައް އަޅައިފިން: ރައީސް
ދެމެހެއްޓެނިވި ގޮތެއްގައި ރަނގަޅު ކާނާ ބާޒާރުން ލިބޭނޭގޮތް ހެދުމަށް ފިޔަވަޅުތައް އަޅާފައިވާކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުގެއްޖެއެވެ.
ދުނިޔޭގެ ކާބޯތަކެތީގެ ދުވަހުގެ މުނާސަބަތުގައި ސޯޝަލް މީޑިއާގައި ކުރެއްވި ޕޯސްޓެއްގައި ރައީސް ވިދާޅުވީ، ރާއްޖޭގައި އާންމުކޮށް ބޭނުންކުރާ ފައިދާހުރި ރަނގަޅު ކާނާ ހެޔޮ އަގުގައި އަބަދުމެ ބާޒާރުން ލިބޭނެ މަގު ފަހިކުރުމަށް ސަރުކާރުން އަމަލީ ފިޔަވަޅުތަކެއް އަޅަން ފަށާފައިވާ ކަމަށެވެ.
ރައީސް ވިދާޅުވީ ދުންފަތާއި ވޭޕްގެ ބާވަތްތައް ބޭނުންކުރުން މަނާކުރުމަށް ސަރުކާރުން ނިންމި ނިންމުމަކީ ރައްޔިތުންގެ ހަށިގަނޑަށް ގެއްލުން ލިބޭ ކެއިންބުއިމުގެ އާދަތަކުން ރައްޔިތުން ދުރުހެލިކުރުމަށް އެޅި ފިޔަވަޅެއް ކަމަށެވެ.
ރައީސް ވިދާޅުވީ ބަލިތަކާ ދުރުހެލި، ދުޅަހެޔޮ މުޖްތަމަޢެއް ހޯދުމުގައި، އަދި ދަރީންނަކީ ޞިއްޙަތު ރަނގަޅު ކުދިބަޔަކަށް ހެދުމުގައި އެންމެ އިސްކަން ދޭން ޖެހޭ އެއްކަމަކީ ކެއިންބުއިމުގައި ޞިއްޙީ އާދަތައް ހިފެހެއްޓުން ކަމަށެވެ. ރައީސް ވިދާޅުވީ ޤައުމީ ފެންވަރުގައި މިކަންކަމަށް ރައްޔިތުން ހޭލުންތެރި ކުރުމުގެ މަސައްކަތް ފުޅާ ދާއިރާއެއްގައި ސަރުކާރުން ކުރިއަށް ގެންދާނެ ކަމަށެވެ.
ދިވެހީންގެ ދުޅަހެޔޮކަން ކަށަވަރުކުރުމަށް ސަރުކާރުން ކުރާ މަސައްކަތުގެ ތެރެއިން މި އަހަރުގެ ތެރޭގައި ވަނީ ވޭޕް ބޭންކޮށް، ސިނގިރޭޓުން ނަގާ ޑިއުޓީ ބޮޑުކޮށްފައެވެ. އަދި އިއްޔެއިން ފެށިގެން އެސްޓީއޯ މެދުވެރިކޮށް ގަނޑުކޮށް 23 ބާވަތެއްގެ ޒަރޫރީ މުދަލެއް ގެނެސް އަގުހެޔޮކޮަށް ދަނީ ވިއްކަމުންނެެވެ.
Advertisement
This content is created and paid for by advertisers and does not involve Voice Journalists
