ރާއްޖޭން ކިޔެވި 20 ޑޮކްޓަރުން ހިދުމަތަށް، ޔާމީންގެ ތަހުނިޔާ
ދެމެހެއްޓެނިވި ގޮތެއްގައި ރާއްޖޭގެ ސިއްހީ ނިޒާމް ހަރުދަނާ ކޮށް ތަރައްގީ ކުރުމަށްޓަކައި، މީހުން ބިނާކުރުމަށް ފެށުނު މަސައްކަތުގެ ނަތީޖާ ފެންނަމުންދާތީ މިއަދު އުފާކުރައްވާ ކަމަށް ކުރީގެ ރައީސް އަބްދުﷲ ޔާމީން ވިދާޅުވެއްޖެ އެވެ.
އެމަނިކުފާނު މިހެން ވިދާޅުވީ ގައުމީ ޔުނިވާސިޓީ (އެމްއެންޔޫ) ގެ ސްކޫލް އޮފް މެޑިސިން ގައި ޑޮކްޓަރުކަން ކިޔެވި ފުރަތަމަ ބެޗްގެ ޑޮކްޓަރުން ހިދުމަތަށް ނިކުންނަން ތައްޔާރުވުމާއި ގުޅިގެން ކުރެއްވި ޕޯސްޓެއްގަ އެވެ. އެމްއެންޔޫގައި ޑޮކްޓަރުކަން ކިޔަވައިދޭން ފެށީ ރައީސް ޔާމީންގެ ވެރިކަމުގަ އެވެ.
ވިހި ދަރިވަރުން ހިމެނޭ ފުރަތަމަ ބެޗް ދަސްވެނިވީ އޮކްޓޫބަރު 31, 2024 ގަ އެވެ. އެ ދަރިވަރުން މިހާރު ވަނީ އަހަރު ދުވަހުގެ އިންޓާންޝިޕް ފުރިހަމަކޮށް ހިދުމަތަށް ނިކުންނަން ތައްޔާރުވެފަ އެވެ.
އެކަން ފާހަގަކުރައްވާ އެ ޑޮކްޓަރުންގެ ފޮޓޯއަކާއެކު ޔާމީން ކުރެއްވި ޕޯސްޓެއްގައި ވިދާޅުވީ ދެމެހެއްޓެނިވި ގޮތެއްގައި ރާއްޖޭގެ ސިއްހީ ނިޒާމް ހަރުދަނާ ކޮށް ތަރައްގީ ކުރުމަށްޓަކައި، މީހުން ބިނާކުރުމަށް ފެށުނު މަސައްކަތުގެ ނަތީޖާ ފެންނަމުންދާތީ މިއަދު އުފާކުރައްވާ ކަމަށެވެ. އަދި ވިދާޅުވީ ފައުމީ ހިދުމަތާ އަލަށް ގުޅުނު ދިވެހި ޑޮކްޓަރުންނަށް، ފަހުރުވެރިކަމާއެކު މަރުހަބާ އާއި ތަހުނިޔާ ދަންނަވާ ކަމަށެވެ.
އައިޖީއެމްއެޗް ހޮސްޕިޓަލުން ބުނީ ރާއްޖޭން ޑޮކްޓަރުކަން ކިޔެވި ފުރަތަމަ ބެޗްގެ ޑޮކްޓަރުން ހިދުމަތަށް ނިކުންނަން ތައްޔާރުވެފައިވާ ކަަމަށެވެ. އެކަމަށް ހާއްސަކޮށް ރަސްމިއްޔާތެއް ވެސް ވަނީ ބާއްވާފަ އެވެ.
Advertisement
This content is created and paid for by advertisers and does not involve Voice Journalists
