މި މަހުގެ ތިން ވަނަ ދުވަހު އިދިކޮޅު އެމްޑީޕީން ބޭއްވި "ލޫޓުވައިފި" އެއްވުމުން ހައްޔަރު ހަ މީހުން ވެސް ޝަރުތުތަކަކާއި އެކު ކޯޓުން ދޫކޮށްފިއެވެ.
އެ ދުވަހުގެ އެއްވުމުން ހައްޔަރުކުރި 6 މީހުން 15 ދުވަހަށް ވަނީ ބަންދުކޮށްފައެވެ. އެމީހުން ބަންދުން ދޫކޮށްލީ، 15 ދުވަހުގެ މުއްދަތު ހަަމަވެގެން އިތުރު މުއްދަތު ޖެހުމަށް މިއަދު ކޯޓަށް ހާޟިރުކުރުމުންނެވެ.
އެގޮތުން ބަންދުކުރީ، ދާންދޫ ދާއިރާގެ ކުރީގެ މަޖިލިސް މެންބަރު ޔައުގޫބު އަބްދުﷲ އާއި، ކުޅުދުއްފުށި އުތުރު ދާއިރާގެ ކުރީގެ މަޖިލިސް މެންބަރު ޔާސިރު އަބްދުއްލަތީފާއި، މާފުށީ ކައުންސިލް ރައީސް ހަސަން ސޮލާހާއި، އެމްޑީޕީގެ ނިމިދިޔަ ދައުރުގައި ރައީސް އޮފީހުގެ ސީނިއާ އެޑްމިނިސްޓްރޭޓިވް އެސިސްޓެންޓް އަލީ ޖުމާން އަޒީމް އަލީ އަދި ހަސަން ޝާކިރުއެވެ.
މިއަދުގެ ކޯޓުގައި ވެސް ފުލުހުން ވަނީ އިތުރު 15 ދުވަހަށް ބަންދުކުރުމަށް އެދިފައެވެ. އެހެން ނަމަވެސް ޝަރުުތުތަކަކާއި އެކު ބަންދުކުރުމަށް ކޯޓުން ނިންމީއެވެ.
އެ މީހުން ބަންދުކުރުމުން ހައިހޫނު ކަމުގެ ހަޅުތާޅެއް ކުރި ނަމަވެސް، ފަހުން ވަނީ ކާން ފަށައިފައެވެ.
Advertisement
This content is created and paid for by advertisers and does not involve Voice Journalists
