އިނގިރޭސި ޕްރިމިއާ ލީގްގައި މިރޭ މެންޗެސްޓަރ ޔުނައިޓެޑާއި ލިވަޕޫލް ބައްދަލުކުރިމެޗް ކުރިން ހީކުރިގޮތާ ހިލާފަށް މެންޗެސްޓަރ ޔުނައިޓެޑް ކާމިޔާބުކޮށްފިއެވެ. 

ލިވަޕޫލްގެ އަމިއްލަ ދަނޑުކަމަށްވާ އެންފީލްޑްގައި ކުޅުނު މިމެޗް މެންޗެސްޓަރ ޔުނައިޓެޑް ކާމިޔާބުކުރީ 2-1 ގެ ނަތީޖާއަކުންނެވެ. މެޗް ފަށައިގެން ދެވަނަ މިނެޓް ތެރޭގައި މެންޗެސްޓަރ ޔުނައިޓެޑުން ވަނީ ލީގް ނަގާފައެވެ. މިލަނޑު ކާމިޔާބުކޮށްދިނީ މި ސީޒަނުގައި ބްރެންޓްފަޑުން ޔުނައިޓެޑަށް ބަދަލުވި ކެމަރޫންގެ ފޯވާޑް ބްރަޔަން އެމްބެއުމޯ އެވެ. 

މެންޗެސްޓަރ ޔުނައިޓެޑުން ލަނޑެއް ޖަހައި މެޗްގެ ލީޑް ނަގާފައިވަނިކޮށް ލިވަޕޫލްގެ ފޯވާޑް، ކޯޑީ ގަކްޕޯ ވަނީ 78 ވަނަ މިނެޓް ތެރޭގައި ލަނޑެއް ޖަހައި މެޗްގެ ނަތީޖާ ހަމަހަމަކޮށްފައެވެ. މެޗް އެއްވަރުވެފައިވަނިކޮށް މެންޗެސްޓަރ ޔުނައިޓެޑް މޮޅުކޮށްދިން ލަނޑު ޖަހައިދިނީ، 84 ވަނަ މިނެޓް ތެރޭގައި އިނގިރޭސި ޑިފެންޑަރު ހެރީ މެގުއާ އެވެ.

ރޭގެ މެޗް މެންޗެސްޓަރ ޔުނައިޓެޑް މޮޅުވިއިރު، މިއީ 2016 ވަނަ އަހަރަށްފަހު އެންފީލްޑްގައި ލިވަޕޫލާ ދެކޮޅަށް ކުޅެ މެންޗެސްޓަރ ޔުނައިޓެޑް މޮޅުވި ފުރަތަމަ ފަހަރެވެ. މެޗްގައި ލިވަޕޫލަށް ލަނޑުޖަހާނެ ރަނގަޅު ފުރުސަތުތައް ލިވަޕޫލަށް ލިބުނުއިރު، ސޮލާހްއަށް ލިބުނު ފުރުސަތުތައް ފާހަގަކޮށްލެވެއެވެ.

މެޗަށްފަހު ބީބީސީއާ ވާހަކަދައްކަމުން މެންޗެސްޓަރ ޔުނައިޓެޑްގެ ކެޕްޓަން ބުރޫނޯ ފެނާންޑެޒް ބުނީ، މިއީ މުހިންމު މޮޅެއް ކަމަށާއި، އެންފީލްޑްގައި ލިވަޕޫލާ ދެކޮޅަށް ކުލެ މޮޅޫވުމަކީ ފަސޭހަކަމެއް ނޫންކަމަށެވެ.