ޔުއެފާ ޗެމްޕިއަންސްލީގްގައި ރޭ އިނގިރޭސިވިލާތުގެ އާސެނަލް އާއި ސްޕެއިންގެ އެތްލެޓިކޯ މެޑްރިޑް ބައްދަލުކުރިމެޗް ފަސޭހަކަމާއެކު އާސެނަލުން ކާމިޔާބުކޮށްފިއެވެ.

އާސެނަލްގެ އެމިރޭޓްސް ސްޓޭޑިއަމުގައި ކުޅުނު މިމެޗް އެތްލެޓިކޯގެ މައްޗަށް އެޓީމްކުރިހޯދީ 0-4 ގެ ނަތީޖާއަކުންނެވެ. މެޗްގައި އާސެނަލުން ޖެހި ހުރިހާ ގޯލެއްވެސް ޖަހާފައިވަނީ ފަހުހާފްގައެވެ. ފުރަތަމަ ހާފް ލަނޑެއް ނުޖެހުނު ނަމަވެސް އާސެނަލުން ވަނީ މޮޅަށް ކުޅެ ލަނޑުޖަހާގެ ރަނގަޅު ފުރުސަތުތައް ހޯދައި އެތްލެޓިކޯ މެޑްރިޑްގެ ގޯލަށް ނުަރައްކާކޮށްފައެވެ. ރޭގެ މެޗްގައި މޮޅަށްކުޅެ ގިނަ ހަމަލާ އުފައްދާފައިވަނީވެސް އާސެނަލުންނެވެ.

މެޗްގައި އާސެނަލުން ޖެހިފުރަތަމަ ގޯލް އެޓީމަށް ކާމިޔާބުކޮށްދިނީ 57 ވަނަ މިނެޓް ތެރޭގައި ގެބްރިއަލް މަގަލާއީ ކާމިޔާބުކޮށްދިން ލަނޑުންނެވެ. އާސެނަލުގެ ދެވަނަ ލަނޑު ގެބްރިއަލް މާޓިނެލީ ކާމިޔާބުކޮށްދިންއިރު ތިންވަނަ ލަނޑާއި ހަތަރުވަނަ ލަނޑު ކާމިޔާބުކޮށްދިނީ ގޮޔޮކެރެސް އެވެ.

މިއީ ޗެމްޕިއަންސްލީގްގައި އާސެނަލުން ޖެހިގެހިގެން މޮޅުވި ތިންވަނަ މެޗެވެ. މިހާތަނަށް ކުޅުނު ތިންމެޗުން އެޓީމަށް ވަނީ ޕޮއިންޓް ލިބިފައެވެ.

ޔުއެފާ ޗެމްޕިއަންސްލީގްގައި ރޭ އިނގިރޭސިވިލާތުގެ މެންޗެސްޓަރ ސިޓީ އާއި ސްޕެއިންގެ ވިޔަރެއާލް ބައްދަލުކުރިމެޗް 0-2 ގެ ނަތީޖާއަކުން ކާމިޔާބުކުރީ މެންޗެސްޓަރ ސިޓީއެވެ.

މެޗްގައި ލަނޑުޖެހުމަށްފަހު ހާލާންޑް... ފޮޓޯ: މެންސިޓީ

ސިޓީން މެޗްގައި ޖެހި ހަމައެކަނި ލަނޑު ކާމިޔާބުކޮށްދިނީ ހާލާންޑެވެ. ޗެމްޕިއަންސް ލީގްގައި ރޭ އިނގިރޭސިވިލާތުގެ ނިއުކާސަލްވެސް ވަނީ އެޓީމުން ކުޅުނުމެޗް ކާމިޔާބުކޮށްފައެވެ. ބެންފީކާއާ ދެކޮޅަށް ކުޅުނުމެޗް ނިއުކާސަލް ކާމިޔާބުކުރީ 0-3 ގެ ނަތީޖާއަކުންނެވެ.