ޕެންޝަން ބޯޑުގެ މެންބަރުކަމުން މީރާގެ ކުރީގެ ޗެއާމަން ސަރުވަޝް އާދަމް އިސްތިއުފާ ދެއްވައިފިއެވެ.
މިއަދު "އެކްސް"ގައި ކުރެއްވި ޕޯސްޓެއްގައި އެކަން ހާމަކުރައްވަމުން ސަރުވަޝް ވިދާޅުވީ، އެ މަގާމުން އިސްތިއުފާދެއްވަން ނިންމައިފައިވަނީ މަރުކަޒީ ބޭންކް، އެމްއެމްއޭއާ އެކު ޕެންޝަން އޮފީހުން ހިންގަން ނިންމައިފައިވާ ފައިސާގެ މުއާމަލާތާއި ގުޅިގެންކަމަށެވެ.
އަދި އެ މުއާމަލާތަކީ އިގްތިސާދީ ގޮތުންނާއި މާލީ ގޮތުން ވެސް ގެއްލުން ބޮޑު މުއާމާލާތެއް ކަމަށް ޤަބޫލުކުރައްވާ ކަމަށް ވެސް އެ ޕޯސްޓުގައި ސަރުވަޝް ވިދާޅުވެފައިވެއެވެ.
ންސް މިނިސްޓްގެ ޗީފް ފައިނޭންޝަލް ބަޖެޓް އެގްޒެކެޓިވްގެ މަގާމުގައި ވެސް ހުންނެވި ސަރުވަޝް ޕެންޝަން ބޯޑުން އިސްތިއުފާ ދެއްވައިފައިވާއިރު، ޕެންޝަން އޮފީސް މެދުވެރިކޮށް އެމްއެމްއޭއިން ސެކަަންޑްރީ މާކެޓުގައި 2.5 ބިލިއަން ރުފިޔާގެ ބޮންޑެއް ވިއްކާކަމަށް ބުނެ ވާހަކަތަކެއް ދަނީ ފެތުރެމުންނެވެ. އެކަމާއި ގުޅިގެން ފިނޭންސް މިނިސްޓްރީ، އެމްއެމްއޭ އަދި ޕެންޝަން އޮފީހުން ވެސް ރަސްމީ އެއްޗެއް ބުނެފައެއް ނުވެއެވެ.
އެހެން ނަމަވެސް އެކަމަކީ ފައިސާ ޗާޕުކުރުން ކަމުގައި ފާހަގަކޮށް، އިދިކޮޅު އެމްޑީޕީގެ ލީޑާޝިޕްގެ ބޭފުޅުންނާއި މަޖިލިސް މެންބަރުން އަންނަނީ ކަންބޮޑުވުން ފާޅުކުރަމުންނެވެ.
Advertisement
This content is created and paid for by advertisers and does not involve Voice Journalists
