މޫސުން ގޯސްވާނޭކަމަށް ލަފާކޮށް އުތުރުގެ އަތޮޅުތަކަށް ޔެލޯ އެލާޓް ނެރެފިއެވެ.

މޫސުމާ ބެހޭ ޤައުމީ އިދާރާ، މޯލްޑިވްސް މީޓިއޮލޮޖިކަލް ސެންޓަރުން ޔެލޯ އެލާޓް ނެރެފައިވަނީ ލ އަތޮޅުން ފެށިގެން މ އަތޮޅުގެ ރަށްތަކަށެވެ. ޔެލޯ އެލާޓް ނެރެފައިވަނީ މެންދުރުފަހު މިރޭގެ 21:45 ކުން ފެށިގެން ދަންވަރު 01:45 ހަމަޔަށެވެ.

މެޓުން ބުނީ ޔެލޯ އެލާޓް ނެރެފައިވާ ގަޑިތަކުގައި ގަޑިއަކު 25 މޭލާއި 30 މޭލާ ދެމެދު ބާރުމިނުގައި ވައިޖެހޭނޭ ކަމަށެވެ. އަދި ވިލާގަނޑުގައި ގަޑިއަކު 45 މޭލަށް ވައި ގަދަވާނެކަމަށްވެސް ވަނީ ލަފާކޮށްފައެވެ. މި ގަޑިތަކުގައި ކަނޑުތައް ގަދަވާނޭކަމަށްވެސް ވަނީ ލަފާކޮށްފައެވެ.

މެދުރާއްޖެ ތެރޭގެ އަތޮޅުތަކަށް ޔެލޯ އެލާޓް ނެރެފައިވާއިރު، ހއ އަތޮޅުން ފެށިގެން ލ އަތޮޅަށް ވަނީ ހުދުސަމާލް ނެރެފައެވެ. މެޓުން ބުނީ ހުދު ސަމާލް ނެރެފައިވާ ވަގުތުތަކުގައި ވިލާގަނޑުގައި 45 މޭލު ބާރުމިނުގައި ވައިގަދަވެ، ކަނޑުތައް ގަދަވާނޭކަމަށެވެ.

މޫސުމީ ވިއްސާރައިގެ މި ދުވަސްވަރު މޫސުމަށް ބެލުމަށްފަހު ނޫނީ ކަނޑުމައްޗަށް ނޭރުމަށް ކަމާބެހޭ ފަރާތްތަކުން ވަނީ އިލްތިމާސްކޮށްފައެވެ.