ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) ކިޑްސް ފުޓްބޯލް ފެސްޓިވަލްގައި ބޭއްވި ހާއްސަ އެގްޒިބިޝަން މެޗެއްގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އާއި، އިންޓާނޭޝަނަލް ފެޑެރޭޝަން އޮފް އެސޯސިއޭޝަން ފުޓްބޯލް (ފީފާ) ގެ ރައީސް ޖިއަނީ އިންފަންޓީނޯ ބައިވެރިވެވަޑައިގެންފި އެވެ.

މިއީ ފީފާގެ ރައީސް އިންފަންޓީނޯ ދިވެހިރާއްޖެއަށް ކުރައްވަމުންގެންދަވާ ޒިޔާރަތާ ގުޅިގެން އިންތިޒާމުކުރި ފުޓުބޯޅަ މެޗެކެވެ.

އެފްއޭއެމް ކިޑްސް ފުޓްބޯލް ފެސްޓިވަލްގެ އެގްޒިބިޝަން މެޗް --

މި މެޗުގައި ރައީސުލްޖުމްހޫރިއްޔާގެ ޓީމުގައި، ރައީސުލްޖުމްހޫރިއްޔާގެ ނައިބު ޙުސައިން މުޙައްމަދު ލަޠީފާއި، ބައެއް ވަޒީރުންނާއި ސަރުކާރުގެ އިސް މަގާމުތަކުގައި ތިއްބެވި ބޭފުޅުން ވެސް ހިމެނިވަޑައިގަތެވެ.

އެފްއޭއެމް ކިޑްސް ފުޓްބޯލް ފެސްޓިވަލްގެ އެގްޒިބިޝަން މެޗް --

އަދި ފީފާގެ ރައީސްގެ ޓީމުގައި އިޓަލީގެ ކުރީގެ ފުޓުބޯޅަ ކުޅުންތެރިޔާ މާކޯ މަޓަރާޒީގެ އިތުރުން، ދިވެހި ފުޓުބޯޅައިގެ ތާރީހްގައި ނަންވިދާލި ގިނަ ޢަދަދެއްގެ ކުޅުންތެރިން ހިމެނިވަޑައިގަތެވެ. 6-4 ގެ ނަތީޖާއަކުން މެޗު ކާމިޔާބުކުރައްވާފައިވަނީ، ފީފާގެ ރައީސް އިންފަންޓީނޯގެ ޓީމުންނެވެ.

އެފްއޭއެމް ކިޑްސް ފުޓްބޯލް ފެސްޓިވަލްގެ އެގްޒިބިޝަން މެޗް --

މިއަދުގެ މެޗު ފެށުމުގެ ކުރިން، ރައީސުލްޖުމްހޫރިއްޔާ އާއި ފީފާގެ ރައީސް ވަނީ، ދިވެހި ފުޓުބޯޅައިގެ ޑައިމަންޑް ޖުބިލީ ލޯގޯ އިފުތިތާހް ކޮށްދެއްވާފަ އެވެ. އަދި ރައީސުލްޖުމްހޫރިއްޔާ އާއި ފީފާގެ ރައީސް އަދި މެޗުގައި ބައިވެރިވެވަޑައިގެންނެވި މަޝްހޫރު ކުޅުންތެރިން ވަނީ، ކިޑްސް ފުޓްބޯލް ފެސްޓިވަލްގައި ބައިވެރިވާ ޓީމްތަކުގެ ކުދިންނަށް އޮޓޯގްރާފް ދެއްވާފަ އެވެ.

އެފްއޭއެމް ކިޑްސް ފުޓްބޯލް ފެސްޓިވަލްގެ އެގްޒިބިޝަން މެޗް --

ދިވެހިރާއްޖޭގައި ރަސްމީ ސިފައެއްގައި ފުޓުބޯޅަ މުބާރާތްތައް ބާއްވަން ފަށާފައިވަނީ 1950 ވަނަ އަހަރު އުފެއްދެވި، ކުޅިވަރު މުންތަޡިމްގެ ބެލެނިވެރިކަމުގަ އެވެ. އަދި 1982 ވަނަ އަހަރު އުފެއްދެވި ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް)، އިންޓާނޭޝަނަލް ފެޑެރޭޝަން އޮފް އެސޯސިއޭޝަން ފުޓްބޯލް (ފީފާ) ގެ މެންބަރު އެސޯސިއޭޝަނަކަށް ވެފައިވަނީ 1986 ވަނަ އަހަރުގައެވެ.

އެފްއޭއެމް ކިޑްސް ފުޓްބޯލް ފެސްޓިވަލްގެ އެގްޒިބިޝަން މެޗް --

ދިވެހިރާއްޖޭގައި ކުޅިވަރުގެ ބިނާރު ހަރުދަނާކުރައްވައި، ކުޅިވަރު ކުޅުންތެރިނަށް ފުރުޞަތުތައް ފަހިކުރައްވައި، ހަށިހެޔޮ މުޖުތަމައެއް ބިނާކުރެއްވުމަކީ ރައީސުލްޖުމްހޫރިއްޔާ އިސްކަންދެއްވާ ސިޔާސަތެކެވެ.