އައްޑޫ ސިޓީ ހިތަދޫ ކަސްޓޯޑިއަލްއަށް މަސްތުވާތަކެތި ވައްދަން އުޅުމުގެ ތުހުމަތުގައި ފުލުހަކު ހައްޔަރުކޮށްފިއެވެ.
ފުލުހުން ބުނި ގޮތުގައި ހައްޔަރުކޮށްފައިވަނީ 25 އަހަރުގެ ކޮންސްޓްބަލް މަގާމުގައި ހުރި ފުލުހެކެވެ. އޭނާ ހައްޔަރުކޮށްފައިވަނީ ހިތަދޫ ޕޮލިސް ކަސްޓޯޑިއަލްއަށް ވެއްދުން މަނާ ތަކެތި ވައްދަން އުޅޭ ކަމަށް ބުނާ ރިޕޯޓެއް ފުލުހުންނަށް ލިބިގެން ހިންގި އޮޕަރޭޝަނެއްގެ ތެރެއިންނެވެ.
އެގޮތުން މިދިޔަ ސެޕްޓެމްބަރު މަހުގެ 22:54 ހާއިރު، އޭނާ ބަލައި ފާސްކުރިއިރު، މަސްތުވާތަކެތި ކަމަށް ބެލެވޭ އެއްޗެއް ފެނިފައިވާ ކަމަށް ފުލުހުން ބުންޏެވެ. އޭނާ ވަނީ ފުލުހުންގެ ވަޒީފާއިން ވެސް ސަސްޕެންޑްކޮށްފައެވެ. އެ މައްސަލައިގައި އޭނާ 15 ދުވަހަށް ބަންދުކުރި ނަމަވެސް، އެ މުއްދަތު ހަމަވުމުން ސެޕްޓެމްބަރު 20ގައި އޭނާ ދޫކޮށްލާފައިވާ ކަމަށް ފުލުހުން ބުންޏެވެ.
އެހެން ނަމަވެސް އޭނާގެ ތަހުގީގު ނިންމައި ދައުވާކުރަން ޕްރޮސެކިއުޓާ ޖެނެރަލް (ޕީޖީ) އަށް މިދިޔަ މަހުގެ 13ގައި ފޮނުވާފައިވާކަމަށް ވެސް ފުލުހުން ބުންޏެވެ.
Advertisement
This content is created and paid for by advertisers and does not involve Voice Journalists
