ތުރުކީގެ އަސްކަރީ ކާގޯ ފްލައިޓް ވެއްޓުމުގެ ހިތާމަވެރި ހާދިސާއާ ގުޅިގެން ރައީސް ޑރ.މުހައްމަދު މުއިއްޒު ތުރުކީގެ ރައީސް ރަޖަބް ޠައްޔިބު އުރުދުޣާންއަށް ތައުޒިޔާ ވިދާޅުވެއްޖެއެވެ.
ރައީސް ޑރ.މުއިއްޒު އެކްސްގައި ކުރެއްވި ޕޯސްޓުގައި ވިދާޅުވެފައިވަނީ ހިތާމަވެރި އެ ހާދިސާގައި މަރުވެދިޔަ ފަރާތްތަކުގެ އާއިލާތަކަށް ތައުޒިޔާ ވިދާޅުވެ، އެކްސިޑެންޓްގައި ފުރާނަގެއްލުނު ފަރާތްތަކަށް ސުވަރުގެ ދެއްވުން އެދިވަޑައިގެން ދުއާކުރައްވާކަމަށެވެ.
ރައީސް ވިދާޅުވީ ތުރުކީގެ ރައްޔިތުންނަށް ކުރިމަތިވި މި ހިތާމަވެރި ދަނޑިވަޅުގައި ދިވެހި ރައްޔިތުން ތިބީ ތުރުކީގެ ރައްޔިތުންނާ އެކު ކަމަށާއި، ރެސްކިއު އޮޕަރޭޝަންތައް ކާމިޔާބުކަމާއެކު ކުރިއަށްދިއުމަށް އެދޭކަމަށެވެ.
ތުރުކީގެ މިލިޓަރީ ކާގޯ މަތިންދާބޯޓު ވެއްޓިފައިވަނީ އިއްޔެގެ ވަގުތެއްގައި ޖޯޖިއާ އާއި އަޒަރުބައިޖާން ގުޅޭ ސަރަހައްދީ ރޮނގުގެ ކައިރިއަށެވެ. ރިޕޯޓްތައް ބުނާގޮތުން މި ހާދިސާގައި އެ ފްލައިޓްގައި ތިބި 20 މީހަކު ވަނީ މަރުވެފައެވެ. ރެސްކިއު ޓީމުތަކުން ދަނީ މަތިންދާބޯޓު ވެއްޓުނު ސަރަހައްދުކައިރީ ހަރަކާްތތެރިވަމުންނެވެ.
މިހާތަނަށް އެނގުނު ގޮތުގައި މަތިންދާބޯޓު ވެއްޓުނީ އިންޖީނަށް ދިމާވި މައްސަލައަކުންނެވެ. ތުރުކީގެ ކަމާބެހޭ ފަރާތްތަކުން ދަނީ ހާދިސާ ތަހްގީގްކުރަމުންނެވެ.
Advertisement
This content is created and paid for by advertisers and does not involve Voice Journalists
