މި އަހަރުވެސް ރޯދަ ހަދިޔާގެ ގޮތުގައި ކޮންމެ ގޭބީސީއަކަށް މަސްދަޅު ކޭހެއް
މި އަހަރުވެސް ރޯދަ ހަދިޔާގެ ގޮތުގައި ކޮންމެ ގޭބީސީއަކަށް މަސްދަޅު ކޭހެއް ދިނުމަށް ނިންމާ އެކަމުގެ ތައްޔާރީތައް ފަށައިފި އެވެ.
މިނިސްޓަރު އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސް އާދަމް ޝަރީފް އުމަރު ވިދާޅުވީ މި އަހަރުވެސް ރޯދަ ހަދިޔާގެ ގޮތުގައި ކޮންމެ ގޭބީސީއަކަށް މަސްދަޅު ކޭހެއް ދިނުމަށް ސަރުކާރުން ނިންމާފައިވާ ކަމަށެވެ. ރޯދަ ހަދިޔާ ބެހުމަށް ތައްޔާރުވުމުގެ މަސައްކަތް ކަމާގުޅޭ އިދާރާތަކާއެކު މިހާރު ފަށާފައިވާ ކަމަށް ވެސް ވިދާޅުވި އެވެ.
މިދިޔަ ދެ އަހަރު އެ މިނިސްޓްރީން ހާސިލުކުރި ކަންކަން ހާމަކުރުމަށް ބޭއްވި ނޫސްވެރީންގެ ބައްދަލްވުމުގައި ވެސް މިނިސްޓަރު ވަނީ އެ މަސައްކަތް ފަށާފައިވާ ކަމަށާ މިދިޔަ އަހަރެކޭ އެއްގޮތަށް ފުރިހަމަ އިންތިޒާމެއްގެ ތެރެއިން އެކަން ކުރާނެ ކަމަށް ވިދާޅުވެ ކަމަށެވެ.
މިދިޔަ އަހަރުވެސް ރޯދަ ހަދިޔާގެ ގޮތުގައި ކޮންމެ ގޭބީސީއަކަށް މަސްދަޅު ކޭހެއް ދިނެވެ. ރައީސް މުޢިއްޒުގެ ވެރިކަމުގެ ފުރަތަމަ ރޯދަ މަހު ދިނީ ކޮންމެ ގޭބީސީއަކަށް 10 ކިލޯ ބާސްމަތީ ހަނޑުލާއި، 10 ކިލޯ ފުށެވެ.
Advertisement
This content is created and paid for by advertisers and does not involve Voice Journalists
