ރައްޔިތުންގެ މަޖިލީހުގެ މި ހިނގާ ދައުރު ދަންމައިލުމަށް މިއަދު ވޯޓަށް އަހާނެކަމަށް ރިޔާސަތުން އިއުލާނުކޮށްފިއެވެ.
މިމަސް ނިމުމުން، މަޖިލީހުގެ މި ހިނގަމުންދާ ދައުރު ނިންމައި މެންބަރުން ޗުއްޓީއަށްދާ ގޮތަށް އޮތް ނަމަވެސް ދައުރު ދަންމާލައްވަން ގަސްތުކުރައްވާކަން މަޖިލީހުގެ ރައީސް އަބްދުއްރަޙީމް އަބްދުالله ވަނީ އިއުލާން ކުރައްވާފައެވެ.
މި ދައުރުގައި މަޖިލީހުން ނިންމުމަށް މުހިންމު މަސައްކަތްތަކެއް ހުރުމުން އަޅުގަނޑު ގަސްތުކުރަނީ 4 ޑިސެމްބަރަށް ދައުރު އިތުރުކުރަން
އެހެން ކަމުން، އެކަމާމެދު މެންބަރުންގެ ޚިޔާލު ހޯދުމަށް މިއަދު ވޯޓަށް އަހާނެކަމަށް އެމަނިކުފާނު ވަނީ ވިދާޅުވެފައެވެ.
މަޖިލިސް ދަންމާލާނެކަން އިއުލާން ކުރައްވާފައިވާއިރު، ޓޫރިޒަމާ ބެހޭ ގާނޫނަށް ގެންނަ އިސްލާޙާއި، ރީ އިމްޕްލޮއިމެންޓްގެ ބިލާއި، ސިވިލް އާެވިއޭޝަން އޮތޮރިޓީގެ ގާނޫނަށް ގެންނަ އިސްލާހާ ބެހޭ ބިލުގެ އިތުރުން ތެލެސީމިއާ ކޮންޓްރޯލް ކުރުމުގެ ގާނޫނަށް އިސްލާހް ގެނައުމުގެ ބިލުގެ މަސައްކަތްވެސް އަދި ނުނިމެއެވެ.
Advertisement
This content is created and paid for by advertisers and does not involve Voice Journalists
