މިސްކިތް ބިނާކުރުމުގައި މަރުހޫމް، މުހައްމަދު އަލީ ވަނީ ނަމޫނާ ދައްކަވާފައި: ރައީސް
ބ.އޭދަފުށީގައި ހުންނަ ހިތްގައިމު މިސްކިތް ބިނާކުރެއްވި މުހައްމަދު އަލީ އަވަހާރަވުމުން ރައީސް ތައުޒިޔާ ވިދާޅުވެއްޖެއެވެ.
އޭދަފުށީ، ޑޭޒީވިލާ، މުހައްމަދު އަލީ އަވަހާރަވުމާ ގުޅިގެން ރައީސް ޑރ.މުހައްމަދު މުއިއްޒު އެކްސްގައި ކުރެއްވި ޕޯސްޓެއްގައި ވިދާޅުވީ، މުހައްމަދު އަލީއަކީ ބ.އޭދަފުށްޓަށް ގިނަގުނަ ޚިދުމަތްތަކެއް ކޮށްދެއްވާފައިވާ ޤަދަރުވެރި ބޭފުޅެއްކަމަށެވެ.
އެގޮތުން އޭދަފުށީގެ ތަރައްޤީއަށް، އެ ރަށުގައި ވިޔަފާރިއާއި ދަތުރުފަތުރާއި މަސްވެރިކަން ކުރިއެރުވުމަށާއި، އިޖްތިމާޢީ ކަންކަމަށް މުހައްމަދު އަލީ ކުރެއްވި ހިދުމަތްތައް ރައީސް ފާހަގަކުރެއްވިއެވެ. ވަކީން ޚާއްޞަކޮށް މިސްކިތް ބިނާކުރެއްވުމާއި އިސްލާމް ދީނަށް ޚިދުމަތް ކުރެއްވުމަށް މުހައްމަދު އަލީ ވަނީ މުޅި ރާއްޖެއަށް ނަމޫނާ މަސައްކަތްތަކެއް ކޮށްދެއްވާފައިކަމަށްވެސް ރައީސް ވިދާޅުވިއެވެ.
އުމުރުން 91 އަހަރުގެ މުހައްމަދު އަލީ އަވަހާރަވީ އިންޑިއާގެ ޗެންނާއީ ހޮސްޕިޓަލެއްގައި ފަރުވާދެމުންދަނިކޮށެވެ. މުހައްމަދު އަލީ އޭދަފުށީގައި ބިނާކުރެއްވި "މަސްޖިދުލް މުހައްމަދު އަލީ" އަކީ މިހާރު ރާއްޖޭގެ ރަށެއްގައި ހުރި އެންމެ ހިތްގައިމު ރީތި މިސްކިތެވެ. އެ މިސްކިތް ހުޅުވާފައިވަނީ މިއަހަރުގެ މާޗްމަހުގެ 20 ވަނަ ދުވަހުއެވެ.
Advertisement
This content is created and paid for by advertisers and does not involve Voice Journalists
